वाडीकर ज्वेलर्स येथे डॉ.कपिल गुणवंतराव पाटील यांचा सत्कार

उदगीर (प्रतिनिधी) :उदगीर येथिल वाडीकर ज्वेलर्स येथे गंगंनबीडचे भुमिपुत्र न्यु सेंच्युरी रोटरी क्लब बीदर चे नवनिर्वाचीत अध्यक्ष डॉ. कपिल गुणवंतराव पाटील यांची न्यू सेंच्युरी रोटरी क्लब बिदरचे अध्यक्ष म्हणुन निवड झाल्या बद्दल वाडीकर ज्वेलर्सचे संचालक अंकुश वाडीकर यांच्या तर्फे बंधु व मित्रांसमवेत शाल, श्रीफळ व कर्नाटकी पगडी देउन सत्कार व अभिनंदन करण्यात आले. तसेच यावेळी प्रा. सिध्देश्वर लांडगे यांचे देखील सेट परीक्षेत घवघवीत यश प्राप्त केल्या बद्दल वाडीकर ज्वेलर्स तर्फे सत्कार करण्यात आला. डॉ. कपिल गुणवंतराव पाटील हे गंगंनबीड गावचे भुमिपुत्र असुन सध्या ते बिदर येथे वास्तव्यास आहेत. गावापासुन लांब शहराच्या ठिकाणी राहून सुध्दा त्यांनी आपल्या जन्मभुमीशी नाळ जोडुन ठेवली आहे व आपण या मातीच काही देण लागतो. या सामाजीक बांधिलकीच्या भावनेतुन डॉ. कपिल पाटील यांनी गंगंनबीड येथील जिल्हा परीषद शाळेतील विद्यार्थ्यांना बसण्याची सुविधा होण्यासाठी 100 बाकांची सुविधा रोटरी क्लबच्या माध्यमातुन केली होती. सध्या ते एस. बी. पाटील दंत वैद्यकीय महाविद्यालय बिदर येथे प्राध्यापक म्हणुन कार्यरत असुन बिदर व उदगीर येथे स्वतंत्र यशवंत दंत रूग्णालयात वैद्यकीय सेवा बजावतात. 2016 पासुन ते न्यू सेंच्युरी रोटरी क्लब बिदर मध्ये सक्रीय असुन मागच्या वर्षी त्यांच्याकडे सचिव म्हणून जबाबदारी होती, व त्याच्यातील सामाजीक बांधीलकी आणि कार्य पध्दतीमुळे त्यांना या वर्षासाठी न्यू सेंच्युरी रोटरी क्लब बिदरचे अध्यक्ष म्हणून नेमणुक करण्यात आली आहे. या वेळी अविनाशजी दोडके भोपनीकर, रमेश गणपतराव घाटे, प्रशांत बिरादार , परमेश्वर आनमवाड, संजयजी आनंतराव बिरादार व रवीकांत बिरादार व वाडीकर बंधू अंकुश वाडीकर, लहु वाडीकर आणि अंगद वाडीकर आदी उपस्थित होते.