इनरव्हील क्लब उदगीरचा पदग्रहण सोहळा संपन्न

उदगीर (एल.पी.उगीले) : आंतरराष्ट्रीय स्तरावरील महिलांची संघटना असणारी इनरव्हील क्लबच्या उदगीर येथील शाखेचा पदाधिकारी पदग्रहण सोहळा ईएसओ लता शिवशंकर यांच्या उपस्थितीत संपन्न झाला.यावेळी मंचावर झोनल सब कोर्डिनेटर माजी अध्यक्षा मीरा चंबुले, सचिव शिल्पा बंडे,आय एस ओ स्नेहा चणगे व नतुन पदाधिकारी यांची उपस्थिती होती.
यावेळी मुलींच्या उज्ज्वल भविष्यासाठी शिक्षण महत्त्वाचे आहे, या विचारातून दहावी वर्गात शिकणाऱ्या दोन अभ्यासु गरजू मुलींना अपेक्षित संच, प्रश्नपत्रिका संच,नवनीत मार्गदर्शक व इतर शैक्षणिक साहित्याचे इसओ लता शिवशंकर यांच्या शुभहस्ते वाटप करण्यात आले.याचबरोबर उदगीर बस स्टॅण्ड सुशोभीकरणासाठी अधिक मासाच्या निमित्ताने गुलाबाचे तीस रोप कुंड्यासहित देण्यात आले. यासाठी सतीश तिडके यांचे विशेष सहकार्य लाभले.
कार्यक्रमाची सुरुवात स्नेहा बिरादार यांनी सादर केलेल्या अप्रतिम गणेश वंदनेने झाली. याचबरोबर प्रिया नरखेडे व भाग्यश्री स्वामी यांनी पर्यावरण संरक्षण संदेश देणारे सुरेख नृत्य सादर केले.
या कार्यक्रमात इनरव्हील क्लबच्या नुतन अध्यक्षा स्वाती गुरुडे, सचिव मानसी चन्नावार, कोषाध्यक्ष पल्लवी मुक्कावार, आय एस ओ योजना चौधरी, सहसचिव प्रिया नरखेडे ,एडिटर अलका येरोळकर व सीसी अश्विनी देशमुख यांनी नवीन कार्यकारिणीत पदभार स्वीकारला आहे.
मागील वर्षी विविध प्रोजेक्टमध्ये सहभाग घेणाऱ्या सदस्यांचा सत्कार करण्यात आला.कार्यक्रमाचे सुत्रसांचलन अश्विनी देशमुख यांनी केले, प्रास्ताविक मीरा चंबुले यांनी केले, प्रमुख अतिथींची ओळख मानसी चन्नावार यांनी करून दिली. नवीन अध्यक्षा स्वाती गुरुडे यांनी नवीन प्रोजेक्ट विषयी माहिती दिली. इनरव्हील क्लब अहमदपूरच्या कलावती भातांब्रे यांनी शुभेच्छा दिल्या व कार्यक्रमाच्या प्रमुख अतिथी लता शिवशंकर यांनी क्लबच्या कामाविषयी सविस्तर माहिती दिली. आभार प्रदर्शन पल्लवी मुक्कावार यांनी केले.