तोंडार येथे मोहरम ताजिया उत्साहात साजरा

उदगीर(प्रतिनिधी): हिंदू मुस्लिम धर्मीयांचे एकतेचे प्रतिक म्हणून साजरे केले जाणारे मोहरम ताजिया सन अंत्यंत शांतपणे साजरा करण्यात आला.
प्रत्येक वर्षी सर्वत्र हिंदू मुस्लिम धर्मीयांचे प्रतिक असलेला मोहरम हा उत्सव तोंडार मध्ये ही साजरा केला जातो, यात मौलाली, महमदानी, ईमामीकाशीम,नायलीहदर,बॉंबीर,हसेन, हुसेन इ सवाऱ्या बसवले जातात, या उत्सवात सर्व धर्मीय समाज एकत्र येत, हा सण अंत्यंत शांतपणे साजरा करतात, या उत्सवात काही अनुसुचित प्रकार घडु नये म्हणून उदगीर चे पोलीस उपअधीक्षक दिलीप भागवत यांच्या नेतृत्वाखाली, व ग्रामीण पोलीस ठाण्याचे पोलीस निरीक्षक अरविंद पवार यांच्या मार्गदर्शनाखाली ए. पी. आय. रमाकांत नागरगोजे, पोलीस उपनिरीक्षक बनसोडे, बिट अंमलदार सिरसे, होमगार्ड सुर्यवंशी यांनी तोंडार मध्ये चोख बंदोबस्त ठेउन हा उत्सव शांतपणे पार पाडला.या वेळी पोलिस उपअधीक्षक दिलीप भागवत व पोलीस निरीक्षक अरविंद पवार यांनी तोंडार मध्ये भेट देऊन पाहणी केली, या प्रसंगी गावातील नागरिक, लहान मुले,व महिला मोठ्या संख्येने उपस्थित होते .