महात्मा फुले महाविद्यालयात ॲड. सी. पी. पाटील यांना अभिवादन

अहमदपूर (गोविंद काळे) : उदगीरचे माजी उपनगराध्यक्ष, काॅंग्रेस पक्षाचे ज्येष्ठ नेते, सुप्रसिद्ध विधीज्ज्ञ तथा किसान शिक्षण प्रसारक मंडळाचे माजी सचिव कै.ॲड. सी.पी. पाटील यांच्या स्मृतिदिनानिमित्त येथील महात्मा फुले महाविद्यालयात त्यांना अभिवादन करण्यात आले.
या कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. त्यांच्या हस्ते ॲड. सी. पी. पाटील यांच्या प्रतिमेचे पूजन करण्यात आले. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ. बब्रुवान मोरे यांनी केले तर राष्ट्रीय सेवा योजनेचे सहाय्यक कार्यक्रमाधिकारी डॉ. सतीश ससाणे यांनी आभार मानले.
यावेळी उपप्राचार्य डॉ. दुर्गादास चौधरी, डॉ. पांडुरंग चिलगर, प्रो.डॉ. अनिल मुंढे,डॉ. मारोती कसाब, डॉ. अभिजीत मोरे, डॉ. बब्रुवान मोरे, शिवाजी चोपडे, चंद्रकांत शिंपी यांच्यासह महाविद्यालयातील सर्व प्राध्यापक, कर्मचारी व विद्यार्थी उपस्थित होते.