संत ज्ञानेश्वर विद्यालयात स्वातंत्र्य दिनाचा सोहळा उत्साहात साजरा
अहमदपूर ( गोविंद काळे) भारतीय स्वातंत्र्य दिनाचा ध्वजारोहण सोहळा अत्यंत उत्साहाच्या वातावरणामध्ये साजरा करण्यात आला. ध्वजारोहण संस्थेचे अध्यक्ष तथा भाजपाचे प्रदेश प्रवक्ते गणेश दादा हाके यांच्या हस्ते करण्यात आला.
या वेळी प्रमुख अतिथी म्हणून भाजपाचे जिल्हाध्यक्ष दिलीपराव देशमुख,भाजपाचे युवा नेते हेमंत गुट्टे, मुख्याध्यापक आशा रोडगे, मुख्याध्यापक मिना तोवर यांच्यासह मान्यवरांची उपस्थिती होती. मराठवाडा स्वातंत्र्याच्या अमृत महोत्सवी वर्षाच्या निमित्ताने शाळेत विविध स्पर्धेतील गुणवंताचा सत्कार संस्थेचे अध्यक्ष गणेश दादा हाके यांच्या हस्ते स्मृतिचिन्ह ,सन्मानपत्र, पारितोषिक देऊन करण्यात आला. प्रमुख अतिथी दिलीपराव देशमुख यांनी ही विद्यार्थ्यांना मार्गदर्शन केले.
यावेळी 15 ऑगस्ट निमित्ताने संस्थेचे अध्यक्ष गणेशदादा हाके यांनी विद्यार्थ्यांना पर्यावरण रक्षणाची व व्यसनमुक्ती ची शपथ दिली.
कार्यक्रमाचे प्रास्ताविक मुख्याध्यापक आशा रोडगे यांनी केले.सूत्रसंचालन सतिश साबणे आणि शारदा तिरुके यांनी तर आभार मिना तोवर यांनी मांनले.यावेळी पालक, विद्यार्थी मोठ्या संख्येने उपस्थित होते.कार्यक्रम यशस्वी करण्यासाठी शिक्षक- शिक्षकेतर कर्मचारी यांनी विशेष परिश्रम घेतले.
About The Author
