महात्मा फुले महाविद्यालय सद्भावना दिन साजरा

अहमदपूर, ( गोविंद काळे ) येथील महात्मा फुले महाविद्यालयात प्राचार्य डॉ. वसंत बिरादार पाटील यांच्या मार्गदर्शनाखाली माहिती व तंत्रज्ञान युगाचे जनक भारताचे माजी पंतप्रधान स्व.राजीव गांधी यांची जयंती सद्भावना दिन म्हणून साजरी करण्यात आली.
याबाबतची सविस्तर वृत्त असे की, महात्मा फुले महाविद्यालयाच्या राष्ट्रीय सेवा योजना व सांस्कृतिक विभागाच्या वतीने आयोजित करण्यात आलेल्या भारताचे माजी पंतप्रधान स्वर्गीय राजीव गांधी यांच्या जयंती कार्यक्रमाच्या अध्यक्षस्थानी सांस्कृतिक विभागप्रमुख डॉ.बब्रुवान मोरे होते तर ; डॉ. संतोष पाटील यांची प्रमुख उपस्थिती होती. यावेळी मान्यवरांच्या हस्ते राजीव गांधी यांच्या प्रतिमेस पुष्प अर्पण करून अभिवादन करण्यात आले. तसेच, राष्ट्रीय सेवा योजनेचे कार्यक्रमाधिकारी डॉ.पांडुरंग चिलगर यांनी सद्भावनादिना निमित्त उपस्थितांना सद्भावण्याची शपथ दिली.
या कार्यक्रमाचे सूत्रसंचलन व प्रास्ताविक डॉ. पांडुरंग चिलगर यांनी केले तर, आभार डॉ.संतोष पाटील यांनी मानले. यावेळी महाविद्यालयातील प्राध्यापक, कार्यालयीन कर्मचारी व विद्यार्थी उपस्थित होते.