श्री गणेश शिक्षण प्रसारक मंडळाच्या वतीने काकासाहेब डोईफोडे यांचा सत्कार

अहमदपूर (गोविंद काळे) : अहमदपूर नगर परिषदेचे मुख्याधिकारी काकासाहेब डोईफोडे यांनी पदभार स्वीकारल्यानंतर अहमदपूरच्या ज्वलंत समस्यांचा अभ्यास करून त्यावर कायमस्वरूपी तोडगा काढण्यासाठी प्रयत्न केला.धरण उशाला आणि कोरड घशाला अशी अहमदपूरकरांची अवस्था असताना पाणी वाटपाचे सुयोग्य नियोजन करून अहमदपूरकरांना पाच दिवसा आड नळाला पाणी सोडण्याचे नियोजन करून अंमलबजावणीसाठी सर्व कर्मचाऱ्यांना विश्वासात घेऊन ग्राउंड फ्लोअर वर त्यांच्यासोबत राहून पाण्याचा प्रश्न सोडवल्याबद्दल श्री गणेश शिक्षण प्रसारक मंडळाच्या वतीने मुख्याधिकारी काकासाहेब डोईफोडे यांचा आज संस्थेच्या सचिव तथा भाजपच्या महिला मोर्चाच्या प्रदेश सरचिटणीस प्राचार्या रेखाताई तरडे हाके यांच्या संकल्पनेतून सत्कार करण्यात आला.सत्काराला उत्तर देताना डोईफोडे म्हणाले की, काही दिवसातच अहमदपूरकरांना अहमदपूरचा विकास दिसणार आहे.ग्रीनबेल्ट सुशोभीकरण असो किंवा रस्ते असो किंवा नाल्या असो या सर्व बाबी पूर्णत्वास नेण्यासाठी आणि स्वच्छ शहर सुंदर शहर यासाठी प्रयत्न करणार असल्याचे सांगितले.यावेळी संत ज्ञानेश्वर प्राथमिक विद्यालयाच्या मुख्याध्यापिका आशा रोडगे, संत ज्ञानेश्वर माध्यमिक विद्यालयाच्या मुख्याध्यापिका मिना तोवर,संगिता आबंदे, सुजाता बुरगे, अर्चना जांभळदरे, प्राजक्ता भोसले, शिला तेलंग आदींची उपस्थिती होती.