महात्मा फुले महाविद्यालयात उमाजी नाईक यांची जयंती साजरी

अहमदपूर (गोविंद काळे) : येथील महात्मा फुले महाविद्यालयात भारतीय स्वातंत्र्य चळवळीतील आद्य क्रांतिकारक राजे उमाजी नाईक यांची जयंती मोठ्या उत्साहात साजरी करण्यात आली. याबाबतचे सविस्तर वृत्त असे की, महाविद्यालयाच्या राष्ट्रीय सेवा योजना व सांस्कृतिक विभागाच्या वतीने आयोजित करण्यात आलेल्या व उमाजी नाईक जयंती कार्यक्रमाच्या अध्यक्षस्थानी महाविद्यालयाचे प्राचार्य डॉ.वसंत बिरादार पाटील हे होते. तर ; मराठी विभागातील ज्येष्ठ प्रोफेसर ह. भ. प. डॉ.अनिल मुंढे महाराज यांची प्रमुख उपस्थिती होती. यावेळी मान्यवरांच्या हस्ते अद्यक्रांतिकारक उमाजी नाईक यांच्या प्रतिमेस पुष्प अर्पण करून अभिवादन करण्यात आले. तसेच, अध्यक्षीय समारोपप्रसंगी प्राचार्य डॉ.वसंत बिरादार पाटील यांनी उमाजी नाईक यांच्या जीवन व कार्यावर प्रकाश टाकला. या कार्यक्रमाचे सूत्रसंचालन डॉ. मारोती कसाब यांनी केले तर आभार राष्ट्रीय सेवा योजनेचे सहाय्यक कार्यक्रमाधिकारी डॉ. सतीश ससाणे यांनी मानले. यावेळी प्रा. अतीश आकडे, डॉ. प्रशांत बिरादार. डॉ. पांडुरंग चिलगर यांच्यासह महाविद्यालयातील प्राध्यापक ,कार्यालयीन कर्मचारी व विद्यार्थी मोठ्या संख्येने उपस्थित होते.