सम्राट चंद्रगुप्त मौर्य इंटरनॅश्नल स्कूल मध्ये शिक्षक दिन मोठ्या उत्साहाने साजरा

अहमदपूर (गोविंद काळे) : तालुक्यातील रुद्धा येथील सम्राट चंद्रगुप्त मौर्य इंटरनॅश्नल स्कूल, रुद्धा ता.अहमदपूर येथे दि. ०५/०९/२०२३ रोजी शिक्षक दिन उत्साहात साजरा करण्यात आला. या कार्यक्रमासाठी अध्यक्ष म्हणून शाळेचे संचालक कुलदीप गणेश हाके व संचालिका सौ.शिवालिका कुलदीप हाके उपस्थित होते. संस्थेचे संचालक कुलदीप हाके यांच्या हस्ते सर्व गुरुवर्यांचा आदर सत्कार करण्यात आला. या कार्यक्रमामध्ये विविध वर्गातील विद्यार्थ्यांनी शिक्षक बनून शाळेतील विद्यार्थ्यांना शिकविले तसेच विविध विद्यार्थ्यांनी शिक्षक दिनानिमित्त भाषण केले. या कार्यक्रमाचे प्रात्साविक व संचालन संभाजी सांगळे यांनी केले. तसेच गणेश कोईलवाड यांनी कार्यक्रमाचे आभार व्यक्त केले. कार्यक्रमाच्या यशस्वीतेसाठी शाळेतील शिक्षक हीना कल्लुरकर, आसमा शेख, इंद्रजीत ढमामे, इर्शाद अहमद, आनंद कांबळे, रेणुका सूर्यवंशी, मारिया सिंग, प्रोनिता हजोंग, छायाकृष्ण रुभा, गणेश पांचाळ, हनुमान राउत, स्नेहा ओझा, शमिता नाइक, अंजली पोतदार, राजश्री पांचाळ व शिक्षकेत्तर कर्मचारी यांनी मोलाचे योगदान दिले.