दशरथ जाधव राज्यस्तरीय गुरुगौव शिक्षकरत्न पुरस्काराने सन्मानीत
अहमदपूर (गोविंद काळे) : जिल्हा परिषद प्राथमिक शाळा टाकळगाव (का.) येथे कार्यरत असलेले शिक्षक दशरथ सोपानराव जाधव यांना प्रगत भारतीय समाज व प्रबळ भारत राष्ट्राचे सदैव चिंतन करणाऱ्या मनुष्यबळ विकास लोकसेवा अकादमी मुंबईच्या वतीने दिला जाणारा 2023 चा राज्यस्तरीय गुरुगौरव शिक्षकरत्न पुरस्कार आज शिक्षक दिन आभासी पद्धतीने माधव कंदे व नागेश कंदे यांच्या हस्ते टाकळगाव (का.) येथे स्मृतिचिन्ह, मानाचा फेटा, महावस्त्र, सन्मानपत्र आणि पदक देऊन प्रदान करण्यात आला. बालकाच्या सर्वांगीन विकासासाठी विविध उपक्रमांचा कौशल्यपूर्ण वापर करून अध्ययन अनुभव देणारे उपक्रमशील शिक्षक आहेत. त्यांच्या शैक्षणिक, सामाजिक, सांस्कृतिक, राष्ट्रीय कार्याची दखल घेऊन संस्थेने त्यांना सदर पुरस्काराने सन्मानित केले. याप्रसंगी मुख्याध्यापक बालाजी तुरेवाले, बालाजी गांजरे, शिवदास रोडगे, नागेश कंदे, महादू कंदे, गोविंद केसाळे, महानंदा पन्हाळे, गंगासागर गायकवाड, राजकुमार रटकल्ले,घनश्याम स्वामी, लक्ष्मण विभुते हे उपस्थित होते.
About The Author
