संस्कार भारतीच्या वतीने श्रीकृष्ण जन्माष्टमी उत्सव अभिनव पद्धतीने साजरा

उदगीर : (एल.पी.उगीले) येथील संस्कार भारती शाखा उदगीरच्या वतीने श्रीकृष्ण जन्माष्टमी उत्सव श्री गोरक्षण संस्थेत श्रीकृष्ण मूर्ती पूजन, गोमाता पूजन आणि वृक्षारोपण करून साजरा करण्यात आला. या उत्सवाचे औचित्य साधून संस्कार भारती उदगीर समितीने श्री गोरक्षण संस्थेतील श्रीकृष्णाच्या मूर्तीची रंगरंगोटी केली. संस्कार भारतीतील नवदांपत्य योगेश मुर्के व त्यांच्या पत्नी सौ. पूजा मुर्के यांच्या वतीने विधिवत श्रीकृष्ण पूजन करण्यात आले. यावेळी संस्कार भारती शाखा उदगीरचे अध्यक्ष सतीश उस्तूरे, सचिव सावन टंकसाळे, संरक्षक डॉ. संजय कुलकर्णी, मार्गदर्शक डॉ. मुकेश कुलकर्णी, डॉ. गौरव जेवळीकर, बालाजी मुर्के यांच्यासह संस्कार भारतीतील अनेक सदस्यांची उपस्थिती होती. याप्रसंगी संघर्ष मित्र मंडळ, श्री नवयुवक व्यापारी गणेश मंडळ व नारायणा ॲग्रो ऑइल्स प्रायव्हेट लिमिटेड, शेल्हाळ यांच्या संयुक्त विद्यमाने श्री गोरक्षण संस्था येथे मागील अडीच वर्षापासून सुरू असलेल्या गोमाता सेवेचा आढावा प्रशांत मांगुळकर यांनी दिला. नारायण वाकुडे व तानाजी वाकुडे यांची यावेळी विशेष उपस्थिती होती.