उदयगिरीच्या टेबल टेनिस पुरुष व महिला संघाला दुहेरी यश

उदगीर (एल.पी.उगीले) – येथील महाराष्ट्र उदयगिरी महाविद्यालयाच्या खेळाडूंनी स्वामी रामानंद तीर्थ मराठवाडा विद्यापीठ, नांदेड अंतर्गत स्वामी विवेकानंद महाविद्यालय, शिरूर ताजबंद येथे संपन्न झालेल्या आंतर महाविद्यालयीन ब- विभाग टेबल टेनिस स्पर्धेत (पुरुष व महिला) चुरशीचा खेळ दाखवीत पुरुष संघाने विजेतेपद (प्रथम क्रमांक) तर महिला संघाने उपविजेतेपद (द्वितीय क्रमांक) पटकाविला आहे. विजेत्या पुरुष संघामध्ये – रितेश तुकडे, अंकित जाधव, नामदेव फड, विशाल जाधव, सुरज तवर तर महिला संघामध्ये- ऋतुजा निरणे, शिवानी श्रीरामे, आदिती कुंडगीर, मानसी स्वामी, पल्लवी जडितकर या खेळाडूंचा समावेश होता. या विजयी खेळाडूंना क्रीडा संचालक प्रा. सतिश मुंढे, प्रा. रोहन ऐनाडले यांनी मार्गदर्शन केले. सर्व विजेत्या खेळाडूंचे महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी आणि अ‍ॅड.प्रकाश तोंडारे, सचिव रामचंद्र तिरुके,सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील तसेच सर्व शिक्षक व शिक्षकेतर कर्मचारी यांनी अभिनंदन केले आहे.