अहमदपूरात भारतीय जनता पार्टी आयोजित भव्य दही हंडी स्पर्धा मोठ्या उत्साहात साजरी

अहमदपूर (गोविंद काळे) : प्रतिवर्षा प्रमाणे याही वर्षी भारतीय जनता पार्टी अहमदपूर च्या वतीने भव्य दिव्य दहीहंडी स्पर्धा मोठ्या उत्साहात साजरी झाली. अहमदपूर शहरातील डॉ. बाबासाहेब आंबेडकर चौकात भाजपा युवा मोर्चाचे माजी जिल्हा अध्यक्ष अॅड. अमित रेड्डी यांच्या पुढाकाराने सदरील दहीहंडी स्पर्धा घेण्यात आली. सदरील दहीहंडी स्पर्धेचे उद्घाटन भारतीय जनता पक्षाचे प्रदेश उपाध्यक्ष तथा माजी मंत्री विनायकराव पाटील यांच्या हस्ते करण्यात आले तर यावेळी अध्यक्षस्थानी माजी आमदार बब्रुवान खंदाडे हे होते. तर प्रमुख पाहुणे म्हणून माजी सभापती अशोक काका केंद्रे,पोलीस उपअधीक्षक मणिष कल्याणकर, पोलीस निरीक्षक सुधाकर देडे, प्रविण रेड्डी हे होते. यावेळी मंचावर डॉ. निलेश मजगे, भारतीय जनता पक्षाचे जिल्हा उपाध्यक्ष गोविंद गिरी,भाजपाचे माजी तालुका अध्यक्ष रामभाऊ बेल्लाळे,यतिराज केंद्रे,राजकुमार खंदाडे, डॉ. सिध्दार्थकुमार सुर्यवंशी, साईनाथ पाटील, गणेश हालसे, गटनेते राहुल शिवपुजे , अॅड. किशोर कोरे, अॅड. निखिल कासनाळे,विलास पाटील, बालाजी बोबडे, चंदशेखर डांगे,हे उपस्थित होते. सदरील दहीहंडी स्पर्धेत दहा गोविंदा पथकाने भाग घेतला होता. पस्तीस हजाराचे पहीले पारितोषिक माजी मंत्री विनायकराव पाटील यांच्या वतीने ठेवण्यात आले होते तर द्वितीय पारितोषिक पंचवीस हजाराचे माजी सभापती सुधीर गोरटे व साईनाथ पाटील, तृतीय पंधरा हजाराचे पारितोषिक माजी सभापती अशोक काका केंद्रे, चतुर्थ क्रमांकाचे सात हजाराचे पारितोषिक माजी चेअरमन यतिराज केंद्रे , बेस्ट गोविंदाचे तिन हजाराचे पारितोषिक रायगड मित्र परिवाराचे दिपक हालसे यांच्या वतीने ठेवण्यात आले होते.

सदरील दहीहंडी स्पर्धा पाहण्यासाठी तुफान गर्दी झाली होती. मोठ्या उत्साहात तरुनाणी डीजेच्या गाण्याच्या तालावर ठेका घेऊन दहीहंडीचा आनंद घेतला. सदरील दहीहंडी स्पर्धेत सचिन हंगरगे प्रमुख असलेल्या संत काशीबाई गोविंदा पथक उगिलेवाडी,काजळहिप्परगा,प्रविण जंगापल्ले प्रमुख असलेल्या संत काशीबाई गोविंदा पथक काजळ हिप्परगा,विशाल डावरे प्रमुख असलेल्या आण्णाभाऊ साठे गोविंदा पथक साठे नगर अहमदपूर,अभिजीत जाधव प्रमुख असलेल्या ऐबीजे गोविंदा पथक अहमदपूर,नितीन कांडणगिरे प्रमुख असलेल्या राजे संभाजी मित्र मंडळ गोविंदा पथक अहमदपूर,सावंत कदम प्रमुख असलेल्या एकता गोविंदा पथक इंदिरा नगर अहमदपूर,महादेव महाजन प्रमुख असलेल्या एम. एम. गोविंदा पथक अहमदपूर,अक्षय सुर्यवंशी प्रमुख असलेल्या कोळीराज्या गोविंदा पथक चारटांगी अहमदपूर,बालाजी जायभाऐ प्रमुख असलेल्या गौरीशंकर गोविंदा पथक चवंडा नगर अहमदपूर,बुरुड गल्ली गोविंदा पथक अहमदपूर या गोविंदा पथकाने सदरील दहीहंडी स्पर्धेत सहभाग घेतला होता. प्रथम क्रमांकाचे पारितोषिक राजे संभाजी मित्र मंडळ अहमदपूर च्या गोविंदा पथकाने पटकावले तर द्वितीय क्रमांकाचे पारितोषिक एकता ग्रुप गोविंदा पथक इंदिरा नगर अहमदपूर, तृतीय क्रमांकाचे संत काशीबाई गोविंदा पथक उगिलेवाडी, काजळ हिप्परगा, चौथ्या क्रमांकाचे संत काशीबाई गोविंदा पथक काजळ हिप्परगा यांनी पटकावले तर बेस्ट गोविंदाचे पारितोषिक ऐबीजे गोविंदा पथक अहमदपूर यांना देण्यात आले. विजेता सर्व गोविंदा पथकाना स्पर्धा संपताच बक्षीसाचे वाटप करण्यात आले. उत्तेजनार्थ बक्षीस गौरी शंकर गोविंदा व एम. एम. गोविंदा पथकांना प्रत्येकी दोन हजार पाचशेचे गटनेते राहूल शिवपुजे व अॅड. किशोर कोरे यांच्या वतीने देण्यात आले. सुरुवातीला याच कार्यक्रमात क्रिडा दिनाचे औचित्य साधुन भारतीय जनता पक्षाच्या वतीने तालुक्यातील क्रिडा शिक्षकांचा मान्यवरांच्या हस्ते सत्कार करण्यात आला. क्रिडा शिक्षक सर्वश्री शिवछत्रपती पुरस्कार प्राप्त प्रा. दत्ता भाऊ गलाले,प्रा.सुनिल सुरकुटे,प्रकाश केंद्रे, प्रशांत माने, दिपक हिंगणे, राहुल आडसुळ, वैभव चेंडके,प्रशांत काशीद, अभिजीत सर, मनोज कुलकर्णी, शिवानंद स्वामी, सादीख शेख या क्रिडा शिक्षकांचा मान्यवरांच्या हस्ते यथोचित सत्कार करण्यात आला. कार्यक्रमाचे प्रास्ताविक दहीहंडी स्पर्धेचे आयोजक अॅड अमित रेड्डी यांनी केले तर सुत्रसंचालन पुरुषोत्तम माने तर आभार भारतीय जनता पक्षाचे जिल्हा उपाध्यक्ष गोविंद गिरी यांनी मानले. सदरील स्पर्धा यशस्वी करण्यासाठी अतुल रेड्डी, सुरज कापडे, संतोष गोरे,साईनाथ पाटील, अॅड. किशोर कोरे,अमोल राठोड,सुनिल शेटकार,वैभव बलोरे,यांनी अथक परिश्रम घेतले.