संत ज्ञानेश्वर विद्यालयाचे विविध क्रीडा स्पर्धेत यश

अहमदपूर (गोविंद काळे) : संत ज्ञानेश्वर प्राथमिक विद्यालयातील विद्यार्थ्यांनी अहमदपूर तालुकास्तरीय क्रीडा स्पर्धेत घवघवीत यश संपादित केले आहे. वेदांत लक्ष्मण कलवले, पार्थ प्रमोद दिक्कतवार, पूर्वी प्रमोद दिक्कतवार या विद्यार्थ्यांनी तालुकास्तरीय बुद्धिबळ स्पर्धेत यश संपादित केले आहे. या विद्यार्थ्यांची जिल्हास्तरावर होणाऱ्या बुद्धिबळ स्पर्धेसाठी निवड करण्यात आली आहे. तर समाधान इमडे या विद्यार्थ्याची कुस्ती स्पर्धेसाठी जिल्हा स्तरावर निवड झाली असून प्रसाद सतीश बैकरे या विद्यार्थ्याने 21 किलोमीटर मॅरेथॉन मध्ये मेडल प्राप्त केले आहे.या यशस्वी विद्यार्थ्यांना क्रीडा शिक्षक बब्रुवान कलाले, नंदकुमार मद्देवाड यांनी मार्गदर्शन केले आहे. या यशाबद्दल संस्थेचे अध्यक्ष गणेश दादा हाके पाटील, संस्था सचिव श्रीमती रेखाताई तरडे हाके गटशिक्षणाधिकारी बबनराव ढाकाडे, संस्था उपाध्यक्षा अँड मानसी ताई हाके, मुख्याध्यापिका आशा रोडगे, मुख्याध्यापिका मीना तोवर सह शिक्षक व शिक्षकेतर कर्मचारी यांनी अभिनंदन व कौतुक केले आहे. व पुढील स्पर्धेसाठी शुभेच्छा दिल्या आहेत.