महाराष्ट्र उदयगिरी महाविद्यालयाचा व्हॉलीबॉल संघ तृतीय

उदगीर (प्रतिनिधी) : स्वामी रामानंद तीर्थ मराठवाडा विद्यापीठ, नांदेड अंतर्गत ग्रामीण महाविद्यालय, वसंतनगर (कोटग्याळ) येथे आंतर महाविद्यालयीन ब- विभाग व्हॉलीबॉल (पुरुष) स्पर्धा संपन्न झाल्या. या स्पर्धेत महाराष्ट्र उदयगिरी महाविद्यालयाच्या खेळाडूंनी उत्कृष्ट खेळ दाखवीत संघाने तृतीय क्रमांक पटकाविला आहे. विजेत्या संघामध्ये – अशफान शेख, विकास डोंगरे, जाहेद उंदरे, सुनील चोले, शुभम तलवारे, गोपाळ कांबळे, अंशुमन गायकवाड, साहिल शेख, ओमकार सोनकांबळे, संदेश वाघमारे, स्वप्निल गुडमुलवार, रामेश्वर श्रीमंडले या खेळाडूंचा समावेश होता. या विजयी खेळाडूंना क्रीडा संचालक प्रा.सतिश मुंढे, प्रा.रोहन ऐनाडले यांनी मार्गदर्शन केले. त्याबद्दल सर्व विजेत्या खेळाडूंचे महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी आणि अ‍ॅड.प्रकाश तोंडारे, सचिव रामचंद्र तिरुके, सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील तसेच सर्व शिक्षक व शिक्षकेतर कर्मचारी यांनी अभिनंदन केले आहे.