महाराष्ट्र उदयगिरी महाविद्यालयात पदवी वितरण समारंभ संपन्न

उदगीर (प्रतिनिधी) : येथील महाराष्ट्र उदयगिरी महाविद्यालयात पदवी प्रमाणपत्र वितरण समारंभ संपन्न झाला. अध्यक्षस्थानी म.ए.सोसायटीचे अध्यक्ष मल्लिकार्जुन मानकरी होते. प्रमुख पाहुणे स्वामी रामानंद तीर्थ मराठवाडा विद्यापीठ,नांदेड चे विज्ञान शाखेचे अधिष्ठाता डॉ.एम.के.पाटील होते. मंचावर उपाध्यक्ष डॉ.रेखा रेड्डी, सचिव रामचंद्र तिरुके, सदस्य बसवराज पाटील मलकापूरकर, प्रशांत पेन्सलवार, प्रभारी प्राचार्य डॉ.आर.के.मस्के, उपप्राचार्य डॉ.एस.जी.पाटील, परीक्षा विभाग प्रमुख प्रा.डॉ.जे.एम.पटवारी यांची उपस्थिती होती. यावेळी प्रा.पाटील म्हणाले, विद्यार्थ्यांनी काल सुसंगत कौशल्य दृष्टीत व्यावसायिक शिक्षण घेणे आवश्यक आहे. अध्यक्षीय समारोपात मानकरी म्हणाले, विद्यार्थ्यांनी क्रियाशील राहून शिक्षण घेऊन देशाचे नाव करावे. यावेळी मान्यवरांच्या हस्ते विविध विद्याशाखातील विद्यार्थ्यांना पदवीचे वितरण करण्यात आले. सूत्रसंचालन प्रा.डॉ.ए.पी.मोरे यांनी केले.