संत ज्ञानेश्वर विद्यालयात मराठवाडा मुक्ती संग्राम दिन उत्साहात साजरा

अहमदपूर (गोविंद काळे) : 17 सप्टेंबर 2023 येथील संत ज्ञानेश्वर विद्यालयात मराठवाडा मुक्ती संग्राम दिनाचा अमृत महोत्सव उत्साहात साजरा. कार्यक्रमाच्या अध्यक्षस्थानी संस्थेचे अध्यक्ष गणेश दादा हाके पाटील प्रमुख पाहुण्या म्हणून जम्मू कश्मीर येथे कार्यरत असलेल्या सैनिकाची पत्नी करिष्मा गुरफळे, इनरव्हील क्लबच्या अध्यक्षा शितल मालू, योगशिक्षिका कलावती भातांब्रे , संस्थेच्या उपाध्यक्षा अँड. मानसी हाके, शिक्षक पालक संघाचे उपाध्यक्ष नवनाथ हांडे, मुख्याध्यापिका आशा रोडगे, मीना तोवर यांच्या सह मान्यवरांची उपस्थिती होती. गणेश दादा हाके यांच्या हस्ते ध्वजारोहण करण्यात आले. यावेळी गणेश दादा हाके यांनी हैदराबाद मुक्तिसंग्राम लढ्यातील रोमहर्ष विद्यार्थ्यांना सांगितला. प्रारंभी शाळेतील वर्ग सजावटीमध्ये प्रथम, द्वितीय, तृतीय येणाऱ्या वर्गाच्या वर्ग शिक्षकांचा व वर्ग प्रतिनिधींचा मान्यवरांच्या हस्ते सन्मानपत्र,शाल व पुष्पहार देऊन सन्मान करण्यात आला. कार्यक्रमाचे प्रास्ताविक मुख्याध्यापिका मीना तोवर यांनी केले तर सूत्रसंचालन सतीश साबणे यांनी तर आभार संगीता आबंदे यांनी मानले. वर्ग सजावट करण्यासाठी शबाना शेख, वैष्णवी शिंगडे, मीना होनराव,मंगेश शिवणखेडे, सविता पाटील, त्रिगुणा मोरगे,रूपाली भगत यांनी विशेष परिश्रम घेतले.