उदगीर सायकलिंग क्लबच्या वतीने होळसंबरे व रंगवाळ यांचा सत्कार

उदगीर (एल.पी.उगीले) : कोल्हापूर स्पोर्ट्स क्लबच्या वतीने आयोजित करण्यात आलेल्या हाफ आयर्न मॅन स्पर्धेत उदगीर सायकलिंग क्लबचे सदस्य विवेक होळसंबरे व गोविंद रंगवाळ यांनी हाफ आयर्न मॅन स्पर्धा यशस्वीरीत्या पूर्ण करुन हाफ आयर्न मॅन ही मानाची स्पर्धा जिंकली आहे. ते उदगीर तालुक्यातील पहिले मानकरी ठरले आहेत, त्या बद्दल त्यांचा उदगीर सायकलिंग क्लबच्या वतीने सत्कार करण्यात आला.या कार्यक्रमाच्या अध्यक्षस्थानी उदगीर सायकलिंग क्लबचे मार्गदर्शन डॉ. संजय कुलकर्णी हे होते. तर प्रमुख पाहुणे म्हणून डॉ. गिरीश येरोळकर, डॉ. गोविंद बरुरे, डॉ. संतोष मानकरी, डॉ. गजानन टिपराळे, हे उपस्थित होते. या वेळी गोविंद रंगवाळ व विवेक होळसंबरे यांनी या स्पर्धेतील त्यांचे अनुभव कथन केले.

हा कार्यक्रम यशस्वी करण्यासाठी विकास देशमाने, सुशिल माका, राहुल वट्टमवार, अनिरुद्ध जोशी, यांनी प्रयत्न केले. या कार्यक्रमाचे सूत्रसंचालन सुशीलकुमार पांचाळ यांनी केले तर आभार मुकेश निरुने यांनी मानले.यावेळी सुनिल ममदापूरे, डॉ नरेंद्र जाधव, डॉ मनोज कामशेट्टी,प्रा.मुकेश कुलकर्णी, परमेश्वर बिरादार, नारायण पोले, जगदीश चिद्रेवार,सतिश चवळे, जगदीश पंडित, दत्तात्रेय आडके, चंद्रशेखर वट्टमवार, ज्ञानेश्वर चिद्रेवार, सतीश फुलारी, प्रकाश चटनाळे, अविनाश हेरकर हे उपस्थित होते.