जिल्हा स्तरीय क्रीडा स्पर्धेत पु अहिल्यादेवीच्या विद्यार्थ्यांचे घवघवीत यश

अहमदपूर (गोविंद काळे) : तालुक्यातील सांगवी सु येथील पु अहिल्यादेवी माध्यमिक व उच्च माध्यमिक विद्यालयाच्या विद्यार्थ्यांनी नुकत्याच लातूर येथे पार पडलेल्या जिल्हा स्तरीय क्रीडा स्पर्धेत घवघवीत यश संपादन केले.१०० मीटर फ्री स्टाईल पोहण्याच्या स्पर्धेत चव्हाण बालाजी सुभाष प्रथम, २०० मीटर फ्री स्टाईल पोहण्याच्या स्पर्धेत चव्हाण बालाजी सुभाष हाच पुन्हा प्रथम आला तर ८०० मीटर फ्री स्टाईल पोहण्याच्या स्पर्धेत चव्हाण रामेश्वर विश्वनाथ हा प्रथम आला तर १०० मीटर बॅक स्ट्रोक मध्ये चव्हाण रामेश्वर विश्वनाथ हा प्रथम आला तर ४×१०० रिले मध्ये राठोड साहील भगवान, पवार राॅनी रवी, चव्हाण रामेश्वर विश्वनाथ आणि चव्हाण बालाजी सुभाष या मुलांच्या समुहाने प्रथम क्रमांक पटकाविला.या विद्यार्थ्यांना प्रदीप रेड्डी यांचे मार्गदर्शन लाभले.यशस्वी विद्यार्थी व मार्गदर्शक यांचे संस्थेचे अध्यक्ष तथा भाजपचे प्रदेश प्रवक्ते गणेशदादा हाके पाटील, संस्थेच्या सचिव तथा भाजपच्या महिला मोर्चाच्या प्रदेश सरचिटणीस प्राचार्या रेखाताई तरडे हाके, गटशिक्षणाधिकारी बबनराव ढोकाडे, संस्थेच्या उपाध्यक्षा ॲड मानसी हाके, कोषाध्यक्ष अमरदीपजी हाके संचालक सुरेंद्र चाकूरकर आदींनी अभिनंदन केले.