महात्मा फुले महाविद्यालयात पंडित दीनदयाळ उपाध्याय यांची जयंती साजरी

अहमदपूर (गोविंद काळे) : येथील महात्मा फुले महाविद्यालयात थोर देशभक्त तथा मानवतावादी विचारवंत पंडित दीनदयाळ उपाध्याय यांची जयंती मोठ्या उत्साहात साजरी करण्यात आली. याबाबतचे सविस्तर वृत्त असे की, महात्मा फुले महाविद्यालयाच्या राष्ट्रीय सेवा योजना व सांस्कृतिक विभागाच्या वतीने पंडित दीनदयाळ उपाध्याय यांच्या जयंतीनिमित्त आयोजित करण्यात आलेल्या कार्यक्रमाचे अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. तर उपप्राचार्य डॉ. दुर्गादास चौधरी यांची प्रमुख उपस्थिती होती. यावेळी मान्यवरांच्या हस्ते पंडित दीनदयाळ उपाध्याय यांच्या प्रतिमेस पुष्प अर्पण करून अभिवादन करण्यात आले. प्रो. डॉ. दुर्गादास चौधरी यांनी पंडित दीनदयाळ उपाध्याय यांच्या जीवन व कार्यावर प्रकाश टाकला. तसेच अध्यक्षीय समारोपप्रसंगी प्राचार्य डॉ. वसंत बिरादार पाटील म्हणाले की, पंडित दीनदयाळ उपाध्याय यांनी राष्ट्रवादीचा पुरस्कार करून सर्वसामान्यांसाठी कार्य केले ते खऱ्या अर्थाने मानवतावादी विचारवंत होते, असेही ते म्हणाले.

या कार्यक्रमाचे प्रास्ताविक सांस्कृतिक विभाग प्रमुख डॉ. बब्रुवान न मोरे यांनी केले व सूत्रसंचालन एन. एस. एस. चे सहाय्यक कार्यक्रमाधिकारी डॉ. सतीश ससाणे यांनी तर ; आभार एन.एस.एस. चे कार्यक्रमाधिकारी डॉ. पांडुरंग चिलगर यांनी मानले. यावेळी आई. क्यू. ए. सी.चे समन्वयक तथा इंग्रजी विभाग प्रमुख प्रा. अतिश आकडे , डॉ. सचिन गर्जे, डॉ. संतोष पाटील, कार्यालय प्रमुख प्रशांत डोंगळीकर, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.