महात्मा फुले महाविद्यालयात एस. आर. रंगनाथन यांना अभिवादन

अहमदपूर (गोविंद काळे) : येथील महात्मा फुले महाविद्यालयात ग्रंथालय विभागाच्या वतीने ग्रंथालय शास्त्राचे जनक एस. आर. रंगनाथन यांच्या पुण्यतिथीनिमित्त त्यांना अभिवादन करण्यात आले. याबाबतचे सविस्तर वृत्त असे की, महात्मा फुले महाविद्यालयाच्या ग्रंथालय विभागाच्या वतीने आयोजित करण्यात आलेल्या ग्रंथालय शास्त्राचे जनक रंगनाथन यांच्या पुण्यतिथी कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते तर उपप्राचार्य डॉ.दुर्गादास चौधरी यांची प्रमुख उपस्थिती होती. यावेळी मान्यवरांच्या हस्ते एस. आर. रंगनाथन यांच्या प्रतिमेस पुष्प अर्पण करून अभिवादन करण्यात आले. या कार्यक्रमाचे प्रास्ताविक व सूत्रसंचालन ग्रंथालय विभाग प्रमुख ग्रंथपाल प्रा. परमेश्वर इंगळे यांनी केले तर ; आभार डॉ. सतीश ससाणे यांनी मानले. यावेळी प्रोफेसर डॉ. अनिल मुंढे, डॉ. पांडुरंग चिलगर, डॉ.मारोती कसाब , ग्रंथालय परिचर वामन मलकापूरे यांच्यासह महाविद्यालयातील प्राध्यापक, कार्यालयीन कर्मचारी व विद्यार्थी उपस्थित होते.