विभागीय व्हाॅलीबाॅल स्पर्धेत समर्थ विद्यालयाचा संघ प्रथम

उदगीर (प्रतिनिधी) : तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयातील १७ वर्ष वयोगटातील व्हाॅलीबाॅलचा संघ विभागीय स्पर्धेत प्रथम आला आहे. धाराशिव येथील श्री छत्रपती शिवाजी विद्यालयाच्या मैदानावर खेळविण्यात आलेल्या विभागीय स्पर्धेत व्हाॅलीबाॅल (मुले), उदगीर तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयातील खेळाडूंनी १७ वर्ष वयोगटात प्रथम क्रमांक मिळवला आहे. संघाचा कर्णधार समीर अफजल पठाण, याच्यासह खेळाडू शिवकांत संतोष कारभारी, रेहाना जाकीर बागवान, अयान अल्ताफ पठाण,मयुरेश नवनाथ मुसळे, मोईज इकबाल खुरेशी, इम्रान इस्माइल शेख, सुलतान खाजामिया खुरेशी, इम्रान हमजा शेख, विकी नागनाथ चानकने, इम्रानअली अमतअली हवलदार, साईनाथ दिलीप जाधव या खेळाडूंनी उत्कृष्ट कामगिरी करत सलग दोन सेट मध्ये धाराशिव येथील श्री छत्रपती शिवाजी विद्यालयच्या संघाचा अटी-तटीच्या अंतिम सामन्यात पराभव केला आहे. यामुळे हे खेळाडू बोईसर ता. जि. पनवेल येथील डॉन बॉस्को खोदाराम बाग हायस्कूल, बोईसर येथे दि.१ऑक्टोबर २०२३ रोजी होणाऱ्या राज्यस्तरीय हॉलीबॉल स्पर्धेत खेळणार आहेत. या यशाबद्दल उदगीर-जळकोट मतदार संघाचे आमदार ना. संजय बनसोडे, लातूर जिल्हा क्रिडाधिकारी जगन्नाथ लकडे, कृष्णा केंद्रे, धाराशिव क्रीडाधिकारी श्रीकांत हरनाळे, भैरवनाथ नाईकवाडे, उदगीर येथील क्रिडा समन्वयक सतीश पाटील, संस्था सचिव तथा प्राचार्य प्रमोद चौधरी, पर्यवेक्षक सिद्धार्थ बोडके, संस्था सदस्य प्रा. एम. व्ही. स्वामी, रसूल पठाण, क्रिडा समन्वयक किरण हाळीघोंगडे यांच्यासह शिक्षक व शिक्षकेतर कर्मचाऱ्यांनी सत्कार करून शुभेच्छा दिल्या.