जीवन प्रयाग फाऊंडेशनच्या वतीने मनोज पुदाले यांचा सत्कार

उदगीर (एल.पी.उगीले) : मनोज दादा पुदाले यांची भारतीय जनता पार्टीच्या शहराध्यक्षपदी दुसऱ्यांदा निवड झाल्याबद्दल जीवन प्रयाग फाऊंडेशनच्या वतीने सत्कार करण्यात आला. माजी नगरसेवक मनोज दादा पुदाले यांच्याकडून अनेक समाज उपयोगी काम सातत्याने होत असतात, ते जनसामान्यात राहणारे, लोकात मिसळणारे, लोकांच्या अडीअडचणीला धावून जाणारे, व्यक्तीमत्व म्हणजे मनोज दादा पुदाले यांची निवड पुनश्च एकदा भारतीय जनता पार्टीने शहराध्यक्षपदी केली आहे. या निवडीबद्दल जीवन प्रयाग फाउंडेशनच्या वतीने शाल ,श्रीफळ ,पुष्पहार देऊन सत्कार करून अभिनंदन करण्यात आले. त्यांच्या हातून अशीच पक्ष वाढीचे व समाज हिताचे कामे व्हावेत, व भावी वाटचालीस त्यांना शुभेच्छा देण्यात आल्या.यावेळी जीवन प्रयाग फाऊंडेशनचे अध्यक्ष प्रभात सूर्यवंशी,प्रा निलेश चवळे , वैष्णव कांबळे ,स्वप्नील सूर्यवंशी व अन्य कार्यकर्ते उपस्थित होते.