सम्राट मित्रमंडळाच्या वतीने स्मशानभूमीच्या स्वच्छतेसाठी श्रमदान..!

अहमदपूर (गोविंद काळे) : येथील सम्राट मित्रमंडळ-लातूर अहमदपूर च्या संपूर्ण टीमच्या वतीने श्रमदान करून बौध्दनगर येथील स्मशानभूमी स्वच्छ करण्यात आली. भारत सरकारच्या ‘एक तारीख एक घंटा एक साथ’ या अभियान अंतर्गत जवळपास तीन छोटा हत्ती ट्रॅक्टर घाण, केर कचरा, गवत, झाडाच्या फांद्या, भंगार, दारूच्या बाटल्या म्हणजे जवळपास तीन छोटा हत्ती कचरा सम्राट मित्रमंडळ-लातूर अहमदपूर च्या टीमच्या पंधरा सदस्यांनी सकाळी दहा ते दूपारी एक असे तीन तास श्रमदान करून बौध्द नगर येथील स्मशानभूमी स्वच्छ केली. आणी स्मशानभूमी मधील वेटींग शेड पाण्याने धूवून घेवून स्वच्छ केले. सर्व पदाधिकाऱ्यांनी श्रमदानाचे सुंदर असं कार्य करून देशात सूरू असलेल्या स्वच्छता अभियानात सम्राट मित्रमंडळ सहभागी होवून सामूहिक ‘स्वच्छांजली’हा उपक्रम यशस्वी केला.

या अभियानात मित्रमंडळाचे अध्यक्ष तथा कार्यक्रमाचे संयोजक युवकनेते डाॅ.सिध्दार्थकुमार सूर्यवंशी,प्रशांत जाभाडे, आनंद सोनकांबळे, अण्णाराव सूर्यवंशी,शरद सूर्यवंशी,पत्रकार अजय भालेराव,भिमराव कांबळे,गणेशराव मूंडे, सय्यद तबरेजभाई, संगमेश्वर बनसोडे, रोहिदास तिगोटे, आनंद लामतुरे, रितेश रायभोळे, राजवीर मतकर, सुमित बनसोडे, संगमेश्वर बनसोडे,संविधान कदम, अभय गायकवाड, आकाश वाघमारे,सागर हणमंते, रितेश कांबळे, सचिन बानाटे आदींसह नगर परिषदेचे कर्मचारी यांनी विशेष परिश्रम घेतले. यापुढे प्रत्येक रविवारी स्वच्छता अभियानासाठी एकतीस श्रमदान करणार असल्याचे जाहीर करण्यात आले.