जिल्हा परिषद प्रशाला कन्या श्याळेत वसंतराव नाईक अध्यापक विद्यालयाच्या वतीने कार्यक्रम संपन्न

उदगीर (एल.पी.उगीले) : उदगीर येथील जिल्हा परिषद कन्या शाळेत शिरूर ताजबंद येथील वसंतराव नाईक अध्यापक विद्यालयाच्या वतीने वार्षिक पाठ नियोजनाचे कार्यक्रम घेण्यात आले.याप्रसंगी सर्वप्रथम क्रांतीज्योती सावित्रीबाई फुले यांच्या प्रतिमेचे पूजन मुख्याध्यापक प्रकाश मुपडे यांच्या हस्ते करण्यात आले. याप्रसंगी सर्व छात्र अध्यापक उपस्थित होते. वसंतराव नाईक अध्यापक महाविद्यालयाचे डॉ. कदम व डॉ कर्डिले या दोघांनीही भेट दिली, भेटीमध्ये सर्व छात्र अध्यापकाचे पाठ तपासण्यात आले, पाठ पाहून समाधान व्यक्त केले.याप्रसंगी मुख्याध्यापक मुपडे, कदम व कर्डिले यांचा शाल व पुष्पहार देऊन सत्कार करण्यात आला. कुंभार यांनी शिरूर ताजबंद येथील शिस्त तेथील मार्गदर्शन व मिळालेले अध्यापनाची शिदोरी आम्हाला नेहमीच उपयोगी पडेल असे मत व्यक्त केले. याप्रसंगी शाळेतील सर्व शिक्षक बंधू, भगीणीचा सत्कार छात्र अध्यापकांनी केला, यात रेखा जाधव, सुरेखा जाधव, वैशाली मोहिते, अनुराधा वकील, नरेंद्र अंकुलगे यांचा समावेश होता. कार्यक्रमाचे सूत्रसंचालन रविकिरण बलुले यांनी केले. कार्यक्रमाच्या यशस्वीतेसाठी शाळेच्या संपूर्ण स्टाफने प्रयत्न केले.