मेरि डेफोडिल्स् इंग्लिश स्कूल येथे नवरात्री निमित्त रास दांडिया

उदगीर (प्रतिनिधी) : येथील यशवंत सोसायटीत असलेली समर्थ एज्युकेशन सोसायटी द्वारा संचालित मेरि डेफोडील्स इंग्लिश स्कूल येथे गुरूवारी रास दांडिया नाईट कार्यक्रम घेण्यात आला. अध्यक्षस्थानी संस्थासचिव प्राचार्य प्रमोद चौधरी उपस्थित होते. तर उद्घाटक म्हणून उदगीर बाजार समितीच्या उपसभापती प्रिती चंद्रशेखर भोसले उपस्थित होत्या. प्रमुख पाहुणे म्हणून राष्ट्रवादी काँग्रेस, महिला आघाडीच्या जिल्हाध्यक्ष ॲड. दिपाली अभिजीत औटे, मोहिनीस् ब्युटी स्टुडिओ च्या संचालिका मोहिनी विद्यासागर अचोले, माजी नगरसेविका लता शिवाजीराव लकवाले, पर्यवेक्षक सिद्धार्थ बोडके, संस्था सहसचिव प्रणयन प्रमोद चौधरी आदी उपस्थित होते. प्रारंभी विद्येची देवता सरस्वती व संस्थापक स्व. व्यंकटेश चौधरी यांच्या प्रतिमेस मान्यवरांच्या हस्ते पुष्पहार अर्पण करत दिप प्रज्वलन करून उद्घाटन करण्यात आले. यानंतर बंजारा गीतावर समुह नृत्य सादर करून मान्यवरांचे स्वागत करण्यात आले. तद्नंतर एलकेजीच्या चिमुकल्यांनी गरबा गीतकार ताल धरत उपस्थित श्रोत्यांना मंत्रमुग्ध केले. दरम्यान शिक्षक आमदार विक्रम काळे यांनी शाळेला भेट देऊन या उपक्रमाचे कौतुक केले. उपस्थित माता पालकांनी ही या उपक्रमात सहभागी होत रिस दांडिया नाईट चा आनंद घेतला. प्रास्ताविक संस्था सदस्य प्रा. एम. व्ही. स्वामी यांनी केले. सूत्रसंचालन रसूल पठाण, अमर जाधव यांनी तर आभार प्रयास चौधरी यांनी मानले. कार्यक्रमास माता पालकांसह महिला भगिनींची मोठी उपस्थिती होती.