लातूर मधील सिद्धेश्वर नगराचे राष्ट्रीय स्वयंसेवक संघाचे पथसंंचलन

लातूर (प्रतिनिधी) : विजयादशीमीच्या पार्श्वभूमीवर दरवर्षी राष्ट्रीय स्वयंसेवक संघाच्यावतीने शहरातील प्रमुख मार्गावर पथसंचलन करण्यात येते. या वर्षी टिळक नगर येथून पथसंचलनला सुरुवात करण्यात आली. टिळक नगर रस्त्याने हे पथसंचलन करण्यात आले.

यावेळी संघाच्या घोषपथकांनी शोभा वाढावली व शस्त्र म्हणून काठी होती. अतिशय शिस्तबध्द वातावरणात लातुरातील टिळक नगर वरून निघालेले हे पथसंचलन बाबासाहेब परांजपे मार्ग, छत्रपती शिवाजी महाराज चौक, ब्रिज हॉटेल रस्त्याने, अशोक हॉटेल, टिळक नगर येथे समारोप करण्यात आला. यावेळी भागातील सर्व नागरिकांकडून पथसंचलनावर पुष्पवृष्टी करण्यात आली. या पथसंचलनात लातूर शहरातील शेकडो राष्ट्रीय स्वयंसेवक संघाचे सैनिक सहभागी झाले होते. यावेळी मा.नगर संघचालक राजेश्वर बेंबडे, सिद्धेश्वर उपनगर कार्यवाह राहुल महाजन, सहकार्यवाह शंतनु काथवटे, नगरसेवा प्रमुख हरीश उपाध्याय यांनी मार्गदर्शन केले.