मुख्याधिकारी यांना माजी नगरसेवकाची शिवीगाळ; पोलिसात गुन्हा दाखल न.प. कर्मचार्‍यांचे कार्यवाहीसाठी कामबंद आंदोलन

अहमदपूर (गोविद काळे) : येथील नगर परिषेचे मुख्याधिकारी आपल्या कर्तव्यावर असताना नगर परिषेच्या एका माजी नगरसेवकाने फोनवरुन अर्वाच्य भाषेत शिवीगाळ करुन जिवे मारण्याची धमकी दिली असल्याने सदरील माजी नगर सेवकाविरुद्ध अहमदपूर पोलिसात गुन्हा दाखल करण्यात आला असुन नगर परिषद कर्मचार्‍यांनी निषेध नोंदवून कार्यवाहीसाठी काम बंद आंदोलन केले आहे. याबाबत पोलिस सुत्राकडून मिळालेली माहिती अशी की, अहमदपूर नगर परिषदेचे मुख्याधिकारी काकासाहेब डोईफोडे आज दि. 01 नोव्हेंबर 2023 रोजी नेहमीप्रमाणे सकाळी 10.50 मिनिटांला अहमदपूर येथील सुरु असलेल्या कामावर पाहणीसाठी गेले असता त्यांच्या मोबाईलवर नगर परिषद अहमदपूर येथीलच माजी नगर सेवक संतोष शेप यांनी तू माझ्या कामामध्ये अडथळा का करतोस म्हणून वाईट-वाईट तसेच अर्वाच्य भाषेत शिवीगाळ करुन तुला बघुन घेतो असे म्हणुन जिवे मारण्याची धमकी दिली. यापूर्वी पण सदरील नगरसेवकाने फोनवर तसेच कार्यालयामध्ये येवून शिवीगाळ करुन जिवे मारण्याची धमकी देत आहे. अशी फिर्याद न. प. मुख्याधिकारी यांनी दिल्यावरुन अहमदपूर पोलिसात माजी नगरसेवकाविरुद्ध भारतीय दंड संहिता 1860 कलम 186/507 नुसार गुन्हा नोंद करण्यात आला असुन पुढिल तपास पोलिस निरिक्षक सुधाकर देडे यांच्या मार्गदर्शनाखाली अहमदपूर पोलिस करत आहेत.

सदरील घटना अहमदपूर येथील नगर परिषदेतील कर्मचारी यांना कळताच त्यांनी काम बंद आंदोलन पुकारुन माजी नगरसेवकावर योग्य ती कार्यवाही करण्यासाठी उपविभागीय अधिकारी प्रविण फुलारी यांच्या मार्फत जिल्हाधिकारी, लातूर यांना निवेदन देण्यात आले आहे. सदरील निवेदनावर शेख मुसा, भंडे विठ्ठल, पुरी गणेश, भदाडे सी.डी., ढोळे व्ही. एस., अभिषेक बारुळे, धर्मराज कांबळे, वर्षा हांडे, शेवाळे साहेबराव, भालेराव संभाजी, ढवळे विनोद, बनसोडे संभाजी, पांचाळ संतोष, हबीब मुसा, मनिष ससाणे, महादेवी कसबे, लष्करी सनावर, ससाणे विशाल, बनसोडे हिरामन, सोनकांबळे सुनिल, चंद्रकांत टाकळकर, संकेत म्हाळस, राहुल चव्हाण, शिवराज राठोड, राम पोपटवार, येलगट्टे राहूल, सतिष ससाणे, सय्यद पाशा, जि.के. लामतुरे, गायकवाड, मजझर आदी कर्मचार्‍यांच्या स्वाक्षर्‍या आहेत.