राजमाता जिजाऊ आणि स्वामी विवेकानंद यांची जयंती श्यामलाल हायस्कूल मध्ये उत्साहात साजरी.

उदगीर (एल.पी.उगीले) : येथील श्यामलाल हायस्कूल मध्ये राजमाता जिजाऊ व युवकांचे प्रेरणास्थान स्वामी विवेकानंद यांची जयंती उत्साहात साजरी करण्यात आली.

श्यामलाल हायस्कूल चे मुख्याध्यापक बालाजी चव्हाण, पर्यवेक्षक राहूल लिमये, जेष्ठ शिक्षक संजय देबडवार, नारायण कांबळे, कावरे प्रमोद, धनश्री जाधव यांनी दोन्ही महान व्यक्तिमत्त्वाच्या प्रतिमेस पुष्पहार अर्पण करून अभिवादन केले. सर्व शिक्षक, शिक्षिका यांनी प्रतिमेस पुष्प अर्पण करून अभिवादन केले.
शाळेतील विद्यार्थी ख़ुशी कमलापुरे, रागिणी ढगे या विद्यार्थिनींनी राजमाता जिजाऊ यांच्या महान व्यक्तिमत्त्वाबद्दल आपले मनोगत व्यक्त करून त्यांच्या कार्याची माहिती दिली.
उमाकांत सूर्यवंशी यांनी राजमाता जिजाबाई आणि स्वामी विवेकानंद यांच्या जीवन कार्याची माहिती सर्व विद्यार्थ्यांना सविस्तरपणे दिली.
संस्थाध्यक्ष सुपोषपाणि आर्य यांनी राजमाता जिजाऊ आणि स्वामी विवेकानंद यांच्या संस्काराचा, प्रेरणादायी कार्याचा आदर्श डोळ्यासमोर ठेवून भावी पिढी घडवण्याचे कार्य करावे असा शुभेच्छा संदेश सर्वांना दिला.
कार्यक्रमाचे सूत्रसंचालन नामदेव हाके यांनी केले तर आभार व्यक्त करण्याचे कार्य कावरे प्रमोद यांनी केले., कार्यक्रम यशस्वीरित्या संपन्न झाला.