समर्थ विद्यालयाच्या वतीने मंदिर व गाव स्वच्छता मोहीम.

उदगीर (एल.पी.उगीले): तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयाच्या वतीने गुरूवारी मंदिर व गाव स्वच्छता मोहीम राबविण्यात आली.
मुख्यमंत्री माझी शाळा सुंदर शाळा अभियानांतर्गत स्वच्छता प्रभात फेरी काढून एकुर्का रोड येथील दत्त मंदिर, हनुमान मंदिर, विठ्ठल-रुक्मिणी व महादेव, गणेश मंदिर व बौद्ध विहार परिसर विद्यार्थ्यांनी स्वच्छ केले. यावेळी संस्था सचिव प्राचार्य प्रमोद चौधरी, पर्यवेक्षक सिद्धार्थ बोडके, प्रा. बी. एस. बाबळसूरे, रसूल पठाण, अमर जाधव, निलेश जाधव याच्यांसह गावातील प्रतिष्ठीत नागरिक दिलीप गुंडरे, आकाश गुंडरे, मधुकर आवले, नरसिंग आवले, शंकर पाटील, ज्ञानोबा शेवाळे आदींसह शाळेतील विद्यार्थी उपस्थित होते.