पंडित जवाहरलाल विद्यालयात माजी विद्यार्थ्यांचा स्नेहमेळावा संपन्न

उदगीर (प्रतिनिधी) तालुक्यातील तोगरी येथील पंडित जवाहरलाल नेहरु विद्यालयात माजी विद्यार्थ्यांचा स्नेह मेळावा मोठ्या थाटामाटात संपन्न झाला.पंडित जवाहरलाल नेहरू विद्यालयात दहावीच्या 1996 च्या माजी विद्यार्थ्यांचा स्नेह मेळावा अतिशय खेळीमेळीच्या वातावरणात पार पडला.
प्रथम ग्रामदेवतेचे दर्शन घेऊन ढोलताशाच्या गजरात व लेझीमचे कलागुण दाखवत शिक्षकांची मिरवणूक काढण्यात आली.
मिरवणूक झाल्यानंतर विद्यालयाच्या सभागृहात खेळीमेळीच्या वातावरणात माजी विद्यार्थ्यांचा स्नेहमेळावा संपन्न झाला. या कार्यक्रमाच्या अध्यक्षस्थानी संतोष गोंदेगावे व महानंदा वीरपाळे हे होते. प्रमुख पाहुणे म्हणून माजी मुख्याध्यापिका इंदुमती येरमाळे व उप प्राचार्य काळगापुरे यांची उपस्थिती होती. कार्यक्रमाची सुरुवात राष्ट्रगीताने करून आजी-माजी विद्यार्थ्यांचा यथोचित सत्कार करण्यात आला. कार्यक्रमाच्या यशस्वीतेसाठी धनराज महाजन, मीनाक्षी साकोळे, रुपेश पांचाळ, माणिक कुलकर्णी, अंकुश भताडे, संतोष देवराय, नरसा बिरादार इत्यादी विद्यार्थ्यांनी परिश्रम घेतले.कार्यक्रमाचे सूत्रसंचालन व आभार शिवकुमार तोंडारे यांनी केले.