शिवाजी महाविद्यालय उदगीरच्या विद्यार्थिनींची विद्यापीठ संघात निवड

उदगीर (एल.पी.उगीले) : मोहनलाल सुखाडिया युनिव्हर्सिटी उदयपूर (राजस्थान ) येथे संपन्न झालेल्या पश्चिम विभागीय आंतर विद्यापीठ हॅन्ड बॉल (महिला )स्पर्धेसाठी येथील शिवाजी महाविद्यालय उदगीरच्या कु. खोबे गौरी निरंजन (बी. एस्सी प्रथम वर्ष ),कु. नामदे इंदू सतीश (बी एस्सी. प्रथम वर्ष )कु. पवार राजेश्री (बी. एस्सी तृतीय वर्ष)यांनी स्वामी रामानंद तीर्थ मराठवाडा विद्यापीठाच्या हॅन्ड बॉल संघाचे प्रतिनिधित्व केले. यांचा सत्कार किसान शिक्षण प्रसारक मंडळाचे सचिव पी टी शिंदे यांनी केला. या खेळाडूंच्या यशाबद्दल खेळाडूंना नेहमी प्रोत्साहित करणारे किसान शिक्षण प्रसारक मंडळाचे अध्यक्ष श्रीरंगराव पाटील, उपाध्यक्ष माधवराव पाटील, सचिव पांडुरंग शिंदे, कोषाध्यक्ष गुंडेराव पाटील व सर्व कार्यकारिणी सदस्य, महाविद्यालयाचे प्रभारी प्राचार्य डॉ. अरविंद नवले, उपप्रचार्य प्रा. डॉ. एस. व्ही. जगताप, प्रा. डॉ. आर. एम. मांजरे, कनिष्ठ महाविद्यालयाचे उपप्राचार्य प्रा. विलास भोसले, पर्यवेक्षक प्रा. जि. जी. सूर्यवंशी, शिक्षक व कर्मचारी, विद्यार्थी यांनी अभिनंदन केले. खेळाडूला क्रीडा विभाग प्रमुख प्रा. नेहाल अहमद, प्रा. गजानन माने यांनी तंत्रशुद्ध पद्धतीचे मार्गदर्शन केले. या यशाबद्दल विद्यार्थिनींचे सर्वत्र कौतुक होत आहे.