उदयगिरीच्या प्रणाली कांबळेचे वक्तृत्व स्पर्धेत यश
उदगीर (प्रतिनिधी) : येथील भारत निवडणूक आयोग 237 (अ. जा.) विधानसभा मतदारसंघ, उदगीर जिल्हा लातूरच्या वतीने राष्ट्रीय मतदार दिवसाच्या निमित्ताने घेण्यात आलेल्या वक्तृत्व स्पर्धेत महाराष्ट्र उदयगिरी महाविद्यालयाची विद्यार्थिनी प्रणाली कांबळे हिने यश संपादन केले आहे. त्याबद्दल उपविभागीय अधिकारी सुशांत शिंदे, तहसीलदार रामेश्वर गोरे, नायब तहसीलदार संतोष धाराशिवकर, संतोष गुट्टे यांच्या हस्ते रोख रक्कम, सन्मानपत्र व मेडल देऊन सत्कार करण्यात आला. या गुणी विद्यार्थ्यांच्या यशाबद्दल महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी आणि अ‍ॅड.प्रकाश तोंडारे, सचिव रामचंद्र तिरुके, सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील तसेच सर्व शिक्षक व शिक्षकेतर कर्मचारी यांनी अभिनंदन केले आहे.
About The Author
