बालाघाट शैक्षणिक संकुल रूध्दा ता.अहमदपूर येथे प्रजासत्ताक दिन मोठ्या उत्साहात साजरा

अहमदपूर (गोविंद काळे) : दि. 26. 1. 2024 या दिवशी बालाघाट पॉलीटेकनिक, आय टी आय व सम्राट चंद्रगुप्त मौर्य इंटरनॅशनल स्कूल रूध्दा येथे प्रजासत्ताक दिन मोठ्या उत्साहात साजरा करण्यात आला. यावेळी संस्थेचे अध्यक्ष श्री. गणेश दादा हाके पाटील यांच्या हस्ते ध्वजारोहण करण्यात आले. यावेळी संचालक श्री. कुलदीप हाके व संचालिका शिवालिका हाके उपस्थित होते, प्रमुख पाहुणे म्हणून अपंग निवासी शाळेचे मुख्याध्यापक श्री परमेश्वर पाटील तसेच बालाघाट पॉलिटेक्निक चे प्राचार्य श्री. स्वप्निल नागरगोजे व बालाघाट आय.टी.आय. चे प्राचार्य श्री. मदन आरदवाड व सर्व कर्मचारी उपस्थित होता. ध्वजारोहणानंतर विविध सांस्कृतिक कार्यक्रम पार पाडण्यात आले. त्यामध्ये देशभक्ती पर गीत गायन, बालचमूंचे नृत्य, भाषणे तसेच सम्राट चंद्रगुप्त मौर्य इंटरनॅशनल स्कूल ची दुसरी ब्रांच शायनी टाॅट्स, अहमदपूर येथील विद्यार्थ्यांनी “मेरे भारत का बच्चा बच्चा जय जय श्रीराम बोलेगा” या गाण्यावर नृत्य सादर केले. आणि विविध स्पर्धा परीक्षांच्या सराव परीक्षेमध्ये झळकणाऱ्या विद्यार्थ्यांना प्रोत्साहन देण्यासाठी व पुढील वाटचालीसाठी त्यांचा श्री. गणेश दादा हाके पाटील यांच्या हस्ते बक्षीस देऊन गुणगौरव करण्यात आला. तसेच गणेश दादा यांच्या हस्ते सत्कार करण्यात आला. कार्यक्रमाचे सूत्रसंचालन गणेश कोईलवाड व आभार प्रदर्शन हर्षदा कदम यांनी केले. हा कार्यक्रम यशस्वीरित्या पार पाडण्यासाठी शाळेच्या सर्व शिक्षक व शिक्षकेतर कर्मचाऱ्यांनी मोलाचे योगदान दिले. व कार्यक्रमाची सांगता वंदे मातरम या गीताने झाली.