समर्थ विद्यालयात लेखक आपल्या भेटीला उपक्रमसमर्थसमर्थ विद्यालयात लेखक आपल्या भेटीला उपक्रम

उदगीर (एल.पी.उगीले) : तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयात वाचन-लेखन चळवळ वृध्दिंगत व्हावी म्हणून लेखक आपल्या भेटीला हा उपक्रम घेण्यात आला. अध्यक्षस्थानी संस्थासचिव प्राचार्य प्रमोद चौधरी उपस्थित होते. उद्घाटक म्हणून लातूर जिल्हा परिषदेचे उपशिक्षणाधिकारी माध्यमिक हाशमी बुरहान सय्यद खाजा उपस्थित होते. प्रमुख पाहूणे व मार्गदर्शक म्हणून मुंबई येथील प्रसिद्ध व नामवंत लेखक रमेश तांबे, संस्थासदस्य प्रा. एम. व्ही. स्वामी, विद्यार्थी संसदेच्या वाचनालय मंत्री आरती पांडुरंग जाधव आदींची उपस्थिती होती. प्रारंभी माजी राष्ट्रपती ए.पी.जे. अब्दुल कलाम यांच्या प्रतिमेस पुष्पहार अर्पण करून अभिवादन करण्यात आले. रमेश तांबे यांनी विद्यार्थ्यांना सतत दोन तास मनोरंजनातून संस्कार करणाऱ्या गोष्टी व कविता सांगून मंत्रमुग्ध केले. उपशिक्षणाधिकारी हाशमी विद्यार्थ्यांना मार्गदर्शन करताना म्हणाले, मोबाईलचा वापर अनावश्यक करू नये. आई-वडील व गुरुजनांचा आदर केला पाहिजे. अध्यक्षीय समारोपात प्राचार्य प्रमोद चौधरी यांनी मुलांनी वाचनाची सवय आत्तापासूनच लावून घेतली पाहिजे. प्रास्ताविक प्रा. एम. व्ही. स्वामी यांनी केले. सुत्रसंचलन रसूल पठाण यांनी केले तर पाहुण्यांचा परिचय व आभार अमर जाधव यांनी मानले.