नागतिर्थवाडी येथे जिल्हा परिषद शाळेत महिला मेळावा

उदगीर (एल.पी.उगीले) : जिल्हा परिषद प्राथमिक शाळा नागतिर्थवाडी यांच्या मुख्यमंत्री माझी शाळा सुंदर शाळा या उपक्रमा अंतर्गत शाळेच्या महिला पालक व गावातील महिलांचा संयुक्त महिला मेळावा घेण्यात आला.
हा कार्यक्रम महिलांसाठी हळदीकुंकू आणि विविध स्पर्धांचे आयोजन करून पहिला, दुसरा क्रमांक येणाऱ्या महिलाना बक्षीस देवून सन्मानित करण्यात आले, या मधे महिलांच्या उखण्याच्या स्पर्धा, संगीत खुर्ची, रिंग फेकणे अश्या विविध स्पर्धा घेण्यात आल्या.
त्याच बरोबर त्यांच्या पाल्यांची प्रगती व शैक्षणिक अहवाल यावर सविस्तर चर्चा करण्यात आली, विद्यार्थ्या बाबतीत पालक व शिक्षक यांच्या अडचणी व शंका यावर विचार विनिमय करून समाधान काढण्यात आले.
या वेळी शाळा व्यवस्थापन समिती अध्यक्ष ज्ञानेश्वर कोंबडे, उपाध्यक्षा अनुराधा बुगे, अंगणवाडी शिक्षिका पंचफुला गुणाले, शाळेच्या सहशिक्षिका अमरजा शिरुरे, महिला पालक व गावातील महिला मोठ्या संख्येने उपस्थित होत्या.