जयश्री डोनगापुरे यांचा यथोचित सत्कार

लातूर (एल.पी.उगीले) : कृषी तंत्रज्ञान व्यवस्थापन यंत्रणा आत्मा, जिल्हा अधीक्षक कृषी अधिकारी कार्यालय लातूर, म.हा.वी.म व उमेद यांच्या संयुक्त विद्यमाने लातूर येथील टाऊन हॉल प्रांगणामध्ये जिल्हा कृषी महोत्सवाचे आयोजन करण्यात आले होते. दिनांक 10 फेब्रुवारी रोजी शेतकरी सन्मान प्रसंगी माजी संचालक आयुक्त पुणे स. श्री दि. ल. जाधव यांच्या शुभ हस्ते शेतकरी सन्मान कार्यक्रम पार पडला. यामध्ये राज्यस्तरावर तूर उत्पादकतेमध्ये प्रथम क्रमांक पटकावलेल्या शेतकरी जयश्री भीमराव डोनगापुरे रा. रावणगाव ता. उदगीर यांचा यथोचित सन्मान करण्यात आला. याप्रसंगी प्रकल्प संचालक आत्माचे लाडके, उपविभागीय कृषी अधिकारी उदगीर काळे, कृषी उपसंचालक लातूर महेश क्षीरसागर, मांजरा कृषी विज्ञान केंद्राचे शास्त्रज्ञ सचिन दिग्रसे, स्मार्ट नूडल अधिकारी आर एस पाटील, गोजमगुंडे प्रकल्प उपसंचालक आत्मा सौ बांगर, ता. कृ. अ.उदगीर संजय नाबदे, उ. कृ. अधिकारी लातूर दिलीप जाधव, सचिन बावगे, राऊत , गिरी सुरवसे इत्यादी मान्यवर उपस्थित होते.