लालबहादुर शास्त्री प्राथमिक शाळेत संत सेवालाल महाराज जयंतीनिमित्त कार्यक्रम संपन्न

उदगीर : येथील भारतीय शिक्षण प्रसारक संस्था,अंबाजोगाई द्वारा संचलित लालबहादुर शास्त्री प्राथमिक शाळेत संत सेवालाल महाराज जयंतीनिमित्त कार्यक्रमाचे आयोजन करण्यात आले होते. या कार्यक्रमासाठी अध्यक्ष म्हणून श्रीमती सुरेखाबाई कुलकर्णी तर, प्रमुख अतिथी म्हणून सौ.श्रीदेवी कबाडे उपस्थित होत्या.मान्यवर पाहुण्यांच्या हस्ते प्रतिमा पूजन व दिपप्रज्वलन करण्यात आले.गुलाबपुष्प देऊन मान्यवरांचे शाळेच्या वतीने स्वागत करण्यात आले. प्रमुख पाहुण्या सौ.श्रीदेवी कबाडे यांनी संत सेवालाल महाराजांनी केलेल्या महान कार्याविषयी सविस्तर माहिती सांगितली. अध्यक्षीय समारोपप्रसंगी बोलताना श्रीमती सुरेखा कुलकर्णी यांनी थोर पुरुषांचे विचार आपल्या अंगी बाणवावेत व आपणही समाजसेवा ,देशसेवेसाठी सदैव तत्पर राहण्याचे आवाहन केले. सुत्रसंचलन तुकाराम पेद्दावाड यांनी केले.