जिल्हा स्काऊट गाईडच्या शोभा यात्रेमध्ये अहमदपूरच्या यशवंत विद्यालय याचे यश

अहमदपूर (गोविंद काळे) : स्काऊट आणि गाईडच्या जिल्हास्तरीय मेळावा चाकुर येथील साई नंदनवन येथे दि. 10 फेब्रुवारी ते 13 फेब्रुवारी असे चार दिवसाच्या दरम्यान अत्यंत उत्साहाच्या वातावरणामध्ये जिल्हा मेळावा संपन्न झाला. या मेळाव्यामध्ये यशवंत विद्यालयाच्या स्काऊट गाईड पथकाने शोभायात्रेमध्ये उल्लेखनीय कार्य केल्याबद्दल त्यांना जिल्हा कार्यालयाच्या वतीने सर्व तृतीय पारितोषिक देण्यात आले. या मुलांना स्काऊट गाईड चे प्रमुख नंदकुमार धनशेट्टे, संतोष पारशेटे, पुष्पाताई स्वामी, वर्षा राणी कांबळे यांचे विशेष मार्गदर्शन लाभले होते. या नेत्र दीपक यशाबद्दल संस्थेचे अध्यक्ष डॉ .अशोकराव सांगवीकर, सचिव दलितमित्र डी बी लोहारे गुरुजी, प्राचार्य गजानन शिंदे, उप मुख्याध्यापक राजकुमार गोटे, पर्यवेक्षक अशोक पेद्यवाड, राम तत्तापुरे यांच्यासह शिक्षक शिक्षकेतर कर्मचाऱ्यांनी अभिनंदन आणि कौतुक केले आहे.