लाल बहादूर शास्त्री प्राथमिक शाळेत छत्रपती शिवाजी महाराज यांची जयंती उत्साहात साजरी.

उदगीर (एल.पी.उगीले): भारतीय शिक्षण प्रसारक संस्था,अंबाजोगाई द्वारा संचलित लाल बहादूर शास्त्री प्राथमिक विद्यालयात आज दिनांक १९ फेब्रुवारी २०२४ रोजी छत्रपती शिवाजी महाराज यांच्या जयंतीनिमित्त कार्यक्रमाचे आयोजन करण्यात आले होते. या कार्यक्रमासाठी अध्यक्ष म्हणून संस्कार केंद्रप्रमुख अंकुश मिरगुडे तर, प्रमुख मार्गदर्शक म्हणून माधव केंद्रे व प्रमुख पाहुणे म्हणून विभाग प्रमुख सुधाकर पोलावर व श्रीमती सुरेखाबाई कुलकर्णी उपस्थित होते.
कार्यक्रमाचे प्रमुख मार्गदर्शक माधव केंद्रे यांनी छत्रपती शिवाजी महाराजांनी केलेल्या महान कार्याविषयी सविस्तर मार्गदर्शन केले.अध्यक्षीय समारोपर भाषणात मुख्याध्यापक अंकुश मिरगुडे यांनी छत्रपती शिवाजी महाराज हे एक आदर्श राजा होते.त्यांच्या कार्यातून प्रेरणा घेऊन आपणही समाजासाठी, देशासाठी कार्य करण्याचे आवाहन केले. सुत्रसंचलन सौ.श्रीदेवी कबाडे यांनी केले.