बारावीची परीक्षा सुरळीत देवणीत दोन केंद्रावर ११४९ विद्यार्थी परीक्षा देत आहेत

देवणी (लक्ष्मण रणदिवे) : देवणी शहरात श्री योगेश्वरी देवी उच्च माध्यमिक विद्यालय, केंद्र संचालक नेताजी पाटील, विवेक वर्धिनी उच्च माध्यमिक विद्यालय केंद्र संचालक काळे सी व्ही यांच्या मार्गदर्शनाखाली देवणी येथील दोन्ही केंद्रावर परीक्षेचे काम शांततेत आणि कॉपीमुक्त पद्धतीने चालू आहे. या दोन केंद्रावर एकूण विद्यार्थी ११४९ विद्यार्थी परीक्षा देत आहेत. परीक्षा सुरळीत पार पडत आहेत. काफीमुक्त परीक्षा चालू आहे. या दोन केंद्रावर बैठे पथकाची नियुक्ती करण्यात आली आहे. दोन्ही केंद्रावर देवणीचे तहसीलदार गजानन शिंदे व देवणी पोलीस ठाण्याचे सहायक पोलीस निरीक्षक माणिक डोके दोन्ही परीक्षा केंद्राच्या ठिकाणी भेट देत आहेत, व पोलीस बंदोबस्त चौक ठेवली आहे.