आदर्श रास्ता रोको अहमदपूर तालुक्यात शांततेत संपन्न

तालुक्यातील शिरूर ताजबंद हडोळती खंडाळी किनगाव येथे नॅशनल हायवे मराठयांनी रोखला

अहमदपूर (गोविंद काळे) : आरक्षण योद्धा मनोज जरांगे पाटील यांच्या समर्थनार्थ व सगे सोयरे कायद्याच्या अंमलबजावणी करण्याच्या मागणीसाठी संपूर्ण महाराष्ट्र भर आदर्श रास्ता रोको करण्यात आला यामध्ये अहमदपूर शहरातील रायगड चौक येथे सकाळी 10 ते 1 या कालावधीत रत्नागिरी नागपूर नॅशनल हायवे येथील सकल मराठा समाज यांच्या वतीने जाम करण्यात आला असून अंबुलन्स सेवा तसेच विद्यार्थी यांना रास्ता देत आदर्श रास्ता रोको आंदोलन करण्यात आले आजच्या आंदोलनामध्ये समाज बांधवाबरोबरच महिलांची उपस्थिती ही लक्षनिय अशी होती.
शहर पाठोपाठ तालुक्यातील शिरूर ताजबंद, हडोळती, खंडाळी, किनगाव येथे सुद्धा रास्ता रोको आंदोलन करण्यात आले चौपदरी रस्त्याच्या दोन्ही बाजूला वाहनांच्या रांगा लागल्या होत्या यावेळी उपस्थित समाज बांधवांनी समयोचित भाषणे करत शासनाचा निषेध व्यक्त केला व लवकरात लवकर आरक्षण मागणीची शासनाकडून दखल घ्यावी अन्यथा याहूनही तीव्र आंदोलन या पुढील काळात केले जाईल असा गर्भित ईशारा उपस्थित समाज बांधवांनी दिला
उद्या अंतर्वली सराटी येथे आरक्षण योद्धा श्री मनोज जरांगे पाटील यांची महत्वाची बैठक होणार असून यामध्ये आंदोलनाची पुढील दिशा ठरवली जाणार असून अहमदपूर तालुक्यातील आंदोलन सुद्धा जरांगे पाटील यांच्या नेतृत्वाखाली होणार असल्याची माहिती सकल मराठा समाज समन्वय समिती अहमदपूर यांच्या वतीने देण्यात आली.