राष्ट्रीय पेयजल सर्वेक्षनामध्ये उदगीर नगर परिषदेला राष्ट्रीय पातळीवरील पुरस्कार जाहीर

उदगीर (एल.पी.उगीले) : उदगीर शहर पाणी पुरवठा योजने अंतर्गत केंद्रशासना मार्फत मागील वर्षी विशेष पथकाव्दारे दोन वेळा उदगीर शहर पाणी पुरवठा प्रकल्पाची व उदगीर शहरातील पाणी वितरणाची तपासणी राष्ट्रीय पेयजल पथकाव्दारे करण्यात आली, त्यामध्ये उदगीर पाणी वितरण व्यवस्थापन, तीन जलशुध्दीकरण केंद्र, शहरातील पाणी वितरण व्यवस्थेवरील नळजोडणी, गळती, पिण्याचा पाण्याची टाकी, विद्युत विंधन विहीरी व हातपंप इत्यादी कामाची राष्ट्रीय पेयजल सर्वेक्षण अंतर्गत कामाची गुणवत्ते बाबत तपासणी सर्वेक्षना अंती उदगीर नगर परिषदेचा पुरस्कार प्राप्त शहरामध्ये निवड झालेली आहे. ती उपरोक्त मानांकनाच्या आधारे झालेली आहे, उदगीर नगर परिषदेस दिनांक ०५ मार्च, २०२४ रोजी विज्ञान भवन, नवी दिल्ली येथे राष्ट्रीय पुरस्कार देवून गोरविण्यात येणार आहे.
राष्ट्रीय पेयजल सर्वेक्षना मध्ये उल्लेखणीय काम करणारे नगर परिषदेचे पाणी पुरवठा अभियंता सुनिल एस. कटके, तत्कालीन मुख्याधिकारी शुभम क्यातमवार, मुख्याधिकारी सुंदर बोंदर, नगर परिषदेचे प्रशासन तथा उपविभागीय अधिकारी सुशांत शिंदे यांचा सक्रीय सहभाग होता.
त्या अनुषंगाने ना. संजयजी बनसोडे, मंत्री महाराष्ट्र राज्य व जिल्हधिकारी, लातूर यांनी विशेष कौतुक केले आहे. तसेच शहरातील नागरीकांकडून व प्रतिष्ठत व्यक्ती कडून ही नगर परिषदेचे कौतक व अभिनंदन होत आहे.