विविध स्पर्धेतील यशस्वी विद्यार्थ्यांना पारितोषिक वितरण संपन्न

उदगीर (एल.पी.उगीले) : छत्रपती शिवाजीमहाराज जयंतीनिमित्त निमित्त राष्ट्रवादी काँग्रेस पार्टी चित्रपट साहित्य व सांस्कृतिक विभाग, अल्पसंख्यांक विभाग, सामाजिक न्याय विभाग तर्फे विध्यार्थी वेशभूषा स्पर्धेचे बक्षीस वितरण कै अशोकराव औटे काॅम्लेक्स येथे संपन्न झाले. या समारंभास राष्ट्रवादी काँग्रेस पार्टी लातूर ग्रामीण जिल्ह्य कार्याध्यक्ष पंडित धुमाळ व जिल्ह्य उपाध्यक्ष शिवानंद हेगणे, अल्पसंख्यांक विभाग प्रदेश उपाध्यक्ष खाजा तांबोळी, महिला जिल्ह्य कार्याध्यक्षा दिपाली औटे, विधानसभा अध्यक्ष प्रविण भोळे, शहर अध्यक्ष समीर शेख, नवनाथ गायकवाड यांच्या हस्ते संपन्न झाले. या समारंभाचे आयोजक राष्ट्रवादी काँग्रेस पार्टी चित्रपट साहित्य व सांस्कृतिक विभाग लातूर जिल्ह्यध्यक्ष अभिजीत औटे, अल्पसंख्यांक विभाग जिल्ह्यध्यक्ष शफी हाशमी, सामाजीक न्याय विभाग जिल्ह्यध्यक्ष प्रदिप जोधंळे यांच्या वतीने करण्यात आले होते.
या समारंभास प्रमुख पाहुणे महात्मा पब्लिक स्कूल संचालिका संगिता नेत्रगावे, मंथन पब्लिक स्कूल प्राचार्या अपर्णा पटवारी, जयहिंद पब्लिक स्कूल संजय हाट्टे ,ज्योती स्वामी, विद्याभारती पब्लिक स्कूलचे अरविंद ढोबळे, स्कायलाईन स्कूल जावेद शेख, सुधिर तिकट्टे इत्यादी मान्यवर उपस्थितीत होते या समारंभास 50 विद्यार्थ्यांचा सन्मान चिन्ह, सन्मान पत्र देऊन सत्कार करण्यात आला. या कार्यक्रमाचे सूत्रसंचालन सांस्कृतिक विभाग उदगीर तालुका अध्यक्ष रतिकांत घोगरे यांनी तर आभार सांस्कृतिक शहर अध्यक्ष सय्यद सलीम यांनी मानले.