कार- ट्रॅक्टरच्या अपघातात भाजपा महिला आघाडीच्या तालुकाध्यक्षा गयादेवी सिरसाठ यांचा जागीच मृत्यू

अहमदपूर (गोविंद काळे) : अंबाजोगाई महामार्गावरील अपघाताचे प्रमाण कांहीं थांबण्यास तयार नसून या महामार्गावर सतत अपघात होत आहेत. ५ मार्च रोजी रात्री ७:३० च्या सुमारास लांजी पाटील जवळ भाजपा महिला आघाडीच्या तालुकाध्यक्षा गयादेवी सिरसाठ यांच्या सेंट्रो गाडीचा आणि ट्रॅक्टरचा अपघात होऊन गयादेवी सिरसाठ यांचा जागीच मृत्यू झाल्याची घटना घडली आहे. भाजप महिला आघाडी तालुकाध्यक्षा गयादेवी सिरसाठ यांच्या गावी सिरसाठवाडी येथे सप्ताह चालू असून त्या सप्त्याचा कार्यक्रम संपल्यानंतर अहमदपूर येथे येऊन परत किनगाव मार्गे लातूरला जात असताना. लांजी पाटी जवळ ५ मार्च रोजी रात्री ७:३० च्या सुमारास ट्रॅक्टर आणि सेंट्रोकार ए पी ९, बी ए ३३०० यांची धडक बसून भाजप महिला आघाडीच्या तालुकाध्यक्षा गयादेवी सिरसाठ यांचा जागीच मृत्यू झाला.तर त्यांचे पती प्रकाश सिरसाठ हे गंभीर जखमी झाले आहेत. त्यांना अहमदपूर ग्रामीण रुग्णालयात प्राथमिक उपचार करुन पुढील उपचारासाठी लातूरला पाठवण्यात आले आहे. अपघात एवढा भयानक होता की, सेंट्रो कारचा अक्षरशः चेंदामेंदा झाला आहे.