जागतिक महिला दिनानिमित्त भाजी मार्केट मधील कर्तृत्ववान महिलांचा सत्कार

उदगीर (एल.पी.उगीले), महाराष्ट्र अंनिस.शाखा उदगीर तर्फे येथील अप्पाराव पाटील चौकव वसंतराव नाईक चौकातील कर्तृत्ववान गृहिणी,फळे, फुले व भाजी विक्रेत्या महिलांना राष्ट्रीय पुरस्कार प्राप्त शिक्षक विश्वनाथ मुडपे व देविदास नादरगे यांच्या हस्ते स्ट्रॉबेरी फळांचा डबा व पुष्प देऊन सत्कार करण्यात आला.
मीनाक्षी गवळी,भारत बाई सोनकांबळे, शोभा ताई फुलारी,संगीता कोंडाळे, चंद्रकला ठाकूर, प्रेमला पाटील,दैवशाला आगवे, गंगाबाई सुरनर, रेणुका तेलंग, निर्मला सोमवंशी,शोभा गायकवाड ह्या सन्मानित महिला थंडी,उन,वारा व पावसाशी संघर्ष करीत आपला व्यवसाय करतात. हा उपक्रम यशस्वी करण्यासाठी पांडुरंग बोडके, सोपानराव माने, लक्ष्मी कांत बिडवे, शंकरराव साबणे,मारुती बिरादार,सुरेखा गुजलवार,शीला ताई दंडिमे,मेघाताई गुंडरे इ.नी परिश्रम घेतले. या अभिनव उपक्रम बद्दल अंनिस शाखा उदगीरचे कौतुक करण्यात येत आहे.