नवदुर्गा सेवाभावी संस्थेच्या वतीने महिलांचा सन्मान

उदगीर (एल.पी.उगीले) : शहरातील भोई गल्ली येथील दुर्गा मातेच्या मंदिरात नवदुर्गा सेवाभावी संस्थेच्या वतीने जागतिक महिला दिनाचे औचित्य साधून विविध क्षेत्रात उल्लेखनीय कार्य करणाऱ्या महिला आणि ज्येष्ठ महिलांचा सन्मान करण्यात आला.या कार्यक्रमाच्या अध्यक्षस्थानी उदगीर न. प.चे माजी सभापती मनोज कपाळे हे होते.प्रारंभी उपस्थित मान्यवरांच्या हस्ते दीप प्रज्वलन करण्यात आले.त्यानंतर विधी क्षेत्रात उत्कृष्ठ कार्य करणारे ऍड.संतोषी सूर्यवंशी ( सुतार ), नगर परिषदेच्या सेवानिवृत्त कर्मचारी यमुनाबाई माधव चौधरी, उदगीर शहरात सुंदर हस्ताक्षर क्लासेसच्या माध्यमातून विद्यार्थी घडविणारे सारिका बिरादार, श्यामार्य कन्या विद्यालयाच्या माजी मुख्याध्यापिका प्रेमला तुळशीराम गायकवाड या विविध क्षेत्रात उल्लेखनीय कार्य करणाऱ्या महिलांचा व ज्येष्ठ महिला कमळबाई अनंतराव अनंतवाळ, आनशाबाई संतराम हिवरे,राधाबाई किशन अनंतवाळ, गोदावरीबाई मारोती मोतीपवळे, नागिणबाई गंगाराम रंगवाळ, शोभाबाई कांतुराम रंगवाळ यांचाही मान्यवरांच्या हस्ते सन्मान करण्यात आला.याप्रसंगी प्रेमला तुळशीराम गायकवाड यांनी महिलांच्या सक्षमीकरणासाठी सविस्तर असे मार्गदर्शन केले.मनोज कपाळे यांनी मार्गदर्शन करून अध्यक्षीय समारोप केला.
या कार्यक्रमाचे सूत्रसंचलन मीरा अनंतवाळ यांनी केले तर सुनीता अनंतवाळ यांनी उपस्थितांचे आभार मानले.कार्यक्रम यशस्वितेसाठी मीरा अनंतवाळ, सुनीता अनंतवाळ, राधाबाई हिवरे, रंजनाबाई हिवरे, संगीता अनंतवाळ, वर्षा रंगवाळ, चंचला रंगवाळ, सुरेखा अनंतवाळ, निमलाबाई हिवरे, अरुणाबाई हिवरे, शिला रंगवाळ,शकुंतला उकंडे, सपना उकंडे यांनी परिश्रम घेतले.