शास्त्री प्राथमिक शाळेतील सुधाकर पोलावार व अतुल गुरमे यांना महाराष्ट्र राज्य शिक्षक परिषदेचा जिल्हास्तरीय आदर्श शिक्षक पुरस्कार

उदगीर (एल.पी.उगीले) : दयानंद सभागगृह लातूर येथे महाराष्ट्र राज्य शिक्षक परिषद(प्रा.वि.) जिल्हा शाखा लातूरच्या वतीने भारतीय शिक्षण प्रसारक संस्था अंबाजोगाई द्वारा संचलित लालबहादुर शास्त्री प्राथमिक विद्यालयातील उपक्रमशील शिक्षक सुधाकर भागवत पोलावार व तंत्रस्नेही शिक्षक अतुल ज्ञानोबा गुरमे यांना जिल्हा स्तरीय आदर्श शिक्षक पुरस्कार २०२३ विविध मान्यवरांच्या हस्ते देण्यात आला.याप्रसंगी माजी आ. बब्रुवान खंदाडे, नगरसेवक अजितभैया पाटील कव्हेकर,डायटच्या प्राचार्या भागिरथी गिरी, मच्छिंद्रजी गुरमे यांच्या हस्ते शाल,पुष्पगुच्छ,ट्रॉफी व प्रमाणपत्र देऊन सत्कार करण्यात आला. शाळेचे मुख्याध्यापक अंकुश मिरगुडे यांनी गुलाब पुष्प देऊन अभिनंदन केले.