सांस्कृतिक कार्यक्रमात मंथन पब्लिक स्कूलचे यश

उदगीर (एल.पी.उगीले) : सार्वजनिक शिवजन्मोत्सव समितीच्या वतीने येथील नगर परिषदेच्या मैदानावर सांस्कृतिक सप्ताहाचे आयोजन करण्यात आले होते.त्यात घेतल्या गेलेल्या सांस्कृतिक कार्यक्रमात येथील मंथन पब्लिक स्कूलच्या विद्यार्थ्यांनी यश संपादन केले आहे.या कार्यक्रमात मंथन पब्लिक स्कूलच्या विद्यार्थ्यांनी उदगीर तालुक्यात प्रथम गट ( विभागून) प्रथम क्रमांकाचे पारितोषिक मिळविले आहे. ” मेरे झोपडी मे राम ” या गीतावरील नृत्यासाठी प्रथम क्रमांकाचे पारितोषिक मिळाले आहे.याबद्दल शिवजन्मोत्सव समितीच्या वतीने मंथनच्या विद्यार्थी व शिक्षकांचा सन्मानचिन्ह व प्रमाणपत्र देवून गौरव करण्यात आला. या यशाबद्दल संस्थेचे संचालक सोमनाथ अंकुशे यांनी यशस्वी विद्यार्थी व त्यांना मार्गदर्शन करणाऱ्या शिक्षकाचे अभिनंदन केले आहे.