यशवंत विद्यालय जागतिक महिला दिन उत्साहात साजरा

अहमदपूर (गोविंद काळे) : येथील यशवंत विद्यालयात जागतिक महिला दिन दिनाच्या निमित्ताने विद्यालयातील महिलांचा सन्मान करण्यात आला. यावेळी व्यासपीठावर प्राचार्य गजानन शिंदे, उप मुख्याध्यापक राजकुमार घोटे, पर्यर्वेक्षक रामलिंग तत्तापूरे यांच्यासह मान्यवरांची उपस्थिती होती. यावेळी प्रारंभी सावित्रीबाई फुले यांच्या प्रतिमेचे पूजन प्राचार्य गजानन शिंदे यांच्या हस्ते करून त्यांना अभिवादन करण्यात आले. यावेळी यशवंत विद्यालयातील महिला शिक्षिका सौ विजयाताई स्वामी, सौ.पुष्पाताई साकोळे,सौ. सविताताई झोळगीकर, सौ.वर्षाराणी कांबळे, श्रीमती वर्षाताई लगडे,सोनलताई नानापुरे यांचा शाळेच्या वतीने गुलाब पुष्प, पेन आणि ग्रंथ देऊन प्राचार्यांच्या हस्ते सन्मान करण्यात आला. प्रास्ताविक पर्यवेक्षक राम तत्तापुरे यांनी सूत्रसंचालन कपिल बिराजदार यांनी तर आभार धनंजय तोकले यांनी मांनले. कार्यक्रमाचा शुभारंभ महिला विजयीगीताने करण्यात आला. कार्यक्रम यशस्वी करण्यासाठी शिक्षक शिक्षकेतर कर्मचाऱ्यांनी विशेष परिश्रम घेतले.